2 KAWRINI 1:21 - Mara Bible RV (BSI)

²¹ Krista liata nâmo nata hmaohkha ta miah a paduapa nata sathaw miah a thupa cha, Khazohpa ano tlai a châ.

2 KAWRINI 1:21 ပူးပေါင်းရင်းမြစ်များ

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HLAZY 87:5

Zaio kyh liata hetana heta ama tah aw: “He chyhsa nata hao chyhsa hao Zaio liata a pihpa châ ei ta, Chônôchaipa tlai ta Zaio cha a padua aw.”

HLAZY 89:4

‘Na chipathla cha tlyzaw châta pa-i aw na ta, Na beidyuchhai chhao chhâ zydua châta ei padua aw,’” na tah. Selah

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 62:7

Zerusale paduapathi sala, Alei chô liata reithai tlâhpa ta a tao hlâlei cha, Abeipa cha pay molosa khuh vy.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

THEIHTHAINA 7:35

Cha cha Abeipa châta theihthaipa chakaona rai hria awpa ta, Arawna nata a sawchapawzy raopa ama châ noh tawhta, Abeipa lâta mei ta hmohlâpazy tawhta ama tovyuh châta panano eihpa a châ.

HABAKU 2:12

“Thisaih ta khihpi padua ta, Moleina ta khih a paduapa cha, A hu a po na!

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

2 KAWRINI 5:5

Cha châta miah pachhuapanohtuhpa cha Khazohpa châ ta, a bietai pa-i nawpa ta a Thlahpa miah a pie.

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 THYSALAWNIKA 2:17

nama palôhzy thlah cha palôh ei sala, raihria phapa nata bie phapa to châta cha padua mawh ei sy.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.