2 KAWRINI 1:14 - Mara Bible RV (BSI)

¹⁴ A rakhapa ta miah nama pahnopa kha, miah nama pahno pasia ha bâ. Chavâta eima Beipa Zisu noh liata miah a palaikhei aw ei chi ta, keimo chhao eima châ palaikhei hra aw.

2 KAWRINI 1:14 ပူးပေါင်းရင်းမြစ်များ

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

1 KAWRINI 11:18

A hmiatua chai ta, Awnanopa sahlao namâ pakhy nahta, nama hry liata a pachhaihna a y tyh tahpa ei thei. Ei zo pâ thlâh haw.

1 KAWRINI 15:31

Unawh saih u, Krista Zisu eima Beipa liata ei châ palaikhei kaw ei. Chavâta ei reih aw, noh chareih ei thi tyh!

2 KAWRINI 2:5

Ahy rai pachârôhna a tlôkhei khiahta cha, keima pachâ eina parôhpa dei châ leipa ta, nama zydua pachârôhna a tlôkheituhpa a châ. Ei cha pasi tu leina awpa ei ta, cha bie cha ei reipa a châ.

2 KAWRINI 5:12

Nâmo liata eimâ rei papha heihpa châ vei. Palôh liata a ypa châ leipa ta, chôpho alâna a palaikheipazy a chhy nawpa nata keimo miah namâ palaikhei thei nawpa ta, daihti rypaohpa eima cha piepa a châ.

2 KAWRINI 9:2

Cha chakaona raihria châta a mâ chiehpa ta nama ypa pahno na ta, Akai râh cha zâkô tawh khata a mâh chiehpa ta ama y tahpa ta Mâsidônia mo hmiakô liata ei châ palaikhei kaw ei. Nama phahnai ngiahna ta chyhsa hluhpi palôh a pahra haw.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

PHILIPI 1:26

Nâmo lâ ei vy heih awpa vâta, Krista Zisu liata namâ lyna keima vâta a pôh rili aw.

PHILIPI 1:6

Nâmo liata raihria phapa a pathaotuhpa khata, Zisu Krista noh liata a pangoh aw tahpa ei ngiapâ.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.