2 KAWRINI 1:11 - Mara Bible RV (BSI)

¹¹ Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

2 KAWRINI 1:11 ပူးပေါင်းရင်းမြစ်များ

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

HMOTAOPAZY 12:5

Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.

2 KAWRINI 9:14

Nama chô liata Khazohpa ngiachhiena rônahpa vâta, Zerusale liata mopathaihpazy ta cha vâ kaw aw ei ta, thlah ama chhâpa tyh aw.

PHILIPI 1:19

Nama thlahchhâna vâta nata Zisu Krista Thlahpa baona vâta, cha hmo cha papuapa ei châ nawpa a châ aw tahpa ei pahno.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

1 THYSALAWNIKA 5:25

Unawh saih u, thlah miah chhâpa teh u.

2 THYSALAWNIKA 3:1

Achhâna liata cha unawh saih u, Abeipa bie nama hry liata a chatliepa ta pathâh ta, palyupalihpa ta a ypa hawhna khata, pathâh via lymâ sala, palyupalihpa ta a y thei nawpa ta, thlah miah chhâpa muh vy.

PHILEMAW 1:22

Khâpa rai châ sala, khichhai chhôhpadâhpa nâ vaw chhuanohpa mah y. Nama thlahchhânazy vâta nâmo lâ avyna daihti piepa ei châ aw tahpa ei hnabei a seih.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.