2 KAWRINI 1:10 - Mara Bible RV (BSI)

¹⁰ Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

2 KAWRINI 1:10 ပူးပေါင်းရင်းမြစ်များ

HLAZY 34:19

Mosiapa cha pasa hluhpi tao ta, Châhrasala cha zydua tawhta Abeipa ta a pachha lymâ.

ISAI 46:3

“Hy Zakaw pathlazy saih u, Na nathlie u la; Hy Izarei pathla laibâhpazy saih u, Na nathlie teh u; Py chhôh tawhta ei pyhpazy châ ei chi ta, Chhi tawhta ei pipazy nama châ.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

HMOTAOPAZY 26:21

Cha vâna chata Zuzy ta Achhyna o liata na patu ei ta, thie einâ chhuah ei.

RAWMA 15:31

Zudia râh liata ngiapâleipazy tawhta ei boh thei nawpa nata Zerusale liata ei chakaona cha mopathaihpazy châta a pyh tlâh a châ thei nawpa ta thlah na chhâkhei teh u.

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 6:9

Pahno khi leipa ta pachâpa châ pi ta, châhrasala chyhsa to pahnopa eima châ. Thi awpa ta pachâpa châ pi ta, châhrasala moh tua u, eima hro thlâh ha hih. Hriepa châ pi ta, châhrasala thiepa châ ma pi.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.

1 SAMUELA 7:12

Chatawhcha Samuela ta alô la ta, Mizpâ nata Seni likawh liata bô ta, “Abeipa ta he taih he miah a vaw bao haw,” tah ta, a moh ta Ebeneza a bi.