2 ABEIZY 9:7 - Mara Bible RV (BSI)

⁷ Na zibeipa Ahabâ chhôhkhazy chhawh pathlah khai aw chi ta, chatanachata nâ chakaotuhpa hrohsopazy thisaih nata Abeipa chakaotuhpa zydua thisaih phuh cha Zezebel chô liata ei lapa a châ aw.

2 ABEIZY 9:7 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 21:15

Zezebel ta Nâbô cha alô ta vawh ei ta, a thi haw, tahpa a theipata nahta, Ahabâ hnohta, “Thyu la, Zezari chyhsa Nâbô ta a kre sadô chalei awpa a cha pasai leipa kha kei hnei teh. Nâbô cha hroh khao vei, a thi haw,” tah ta.

1 ABEIZY 21:21

Pachâ teh, na chô liata chhiena vaw patlôsa aw na ta, na hneirôna zydua ei pahlei khai aw. Na pathla zydua pamua aw na ta, Izarei liata Ahabâ pathla chapaw zydua, sei chhao, khotalaipa chhao, ei chhawh pathlah khai ha aw ei.

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

2 ABEIZY 10:10

Abeipa ta Ahabâ chhôhkhazy kyh a reipa Abeipa bie cha leilô liata lei cheita aw vei tahpa pahno teh u. Abeipa ta a chakaotuhpa Elaizâh hmâpa ta a reipa kha a vaw patlô ha hih,” tah ta.

2 ABEIZY 10:11

Zehu ta Zezari liata Ahabâ chhôhkha laibâhpa zydua, pawhrâhpa zydua, a viasa phapa zydua nata a theihthaipa zydua cha pakha hmah pahlôh leipa ta a thie khai ei.

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

HEBRAI 10:30

“Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.