2 ABEIZY 9:3 - Mara Bible RV (BSI)

³ Chatawhcha sathaw byh la la, a luh liata hry la, a hnohta, ‘Abeipa ta hetana heta a tah, Izarei chô liata bei châta sathaw ei cha thu,’ tah mah y. Chatawhcha ochhi pahy la, a râ ha mah y. Na y parei awpa châ vei,” tah ta.

2 ABEIZY 9:3 ပူးပေါင်းရင်းမြစ်များ

1 ABEIZY 1:34

Cha liata, theihthaipa Zadô nata hrohsopa Nâthâ ta Izarei bei châta sathaw za thu mawh ei sy. Cha khai tawhta chiahmie tô aw ei chi ta,, ‘Bei Sawlawmaw hroh pareih mawh sy!’ nama tah aw.

1 ABEIZY 19:16

Nisi sawchapawpa Zehu chhao Izarei bei châta sathawthu aw chi ta, Saphâta sawchapawpa Elaisâh cha, nâma su châ thla awpa hrohsopa châta sathaw na thu aw.

2 ABEIZY 8:13

Hâze ta, “Châ chakaotuhpa he khâpa ma a châ tly, i deita châ ta, kheihta ma cha hawhpa hmo rônahpa cha a tao thei aw?” tah ta. Elaisâh ta a chhy ta, “Aramia chô liata nâ bei aw tahpa Abeipa ta eina pahmôsa haw,” tah ta.

2 ABEIZY 9:6

Zehu cha thyu ta, o chhôh lâ a ngia ta. Satliapa ta a luh liata sathaw hry ta, a hnohta, “Zehôvah, Izarei Khazohpa ta hetana heta a tah: Abeipa phopi Izarei chô liata bei châta sathaw ei cha thu.

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

PUASAINA 29:7

Sathawthuna châta taopa sathaw la aw chi ta, a luh liata bao aw chi ta, sathaw na thu aw.

DÂNIAH 2:1

Nebukaneza abeina kô nona liata, Nebukaneza ta mâ sa ta; a palôrupa pachârôh ngaita ta, amô thei khao leipa ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

THEIHTHAINA 8:12

Arawna luh liata sathaw pathaihpa bao ta, cha hawhna chata Arawna cha pathaisapa ta panano ta.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 26:7

chanô pakha sathaw ropahâh ngaitapa alabastâ ôh a vaw cheipa ta a vy ta, pati a dôh hai nota a luh liata bao ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 15:1

Samuela ta Sawla hnohta, “Kei he Abeipa ta a phopi Izarei chô liata bei châta sathaw cha thu awpa ta nâ lâta eina vaw tuapa kha châ na ta, chavâta tahmâ Abeipa bie reipa he nathlie teh.

1 SAMUELA 15:17

Samuela ta, “Nâma pachâ ta cha, chyhsa chyhpata hawhta a pachâ hra la, Izarei chizy hyutuhpa châ va chi mâ? Abeipa ta Izarei chô liata bei châ awpa ta sathaw a cha thu.

1 SAMUELA 16:2

Samuela ta, “Kheihta ma ei sie thei aw? Sawla ta a vaw thei khiahta cha, ei na thie aw mâh tâh,” tah ta. Abeipa ta, “Viahchao zeinô a chhi la, ‘Abeipa lâta atheihna hlâ awpa ta ei vy,’ na tah aw.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.