2 ABEIZY 9:26 - Mara Bible RV (BSI)

²⁶ Abeipa ta, ‘Zâhnia Nâbô thisaih nata a sawchapaw­zy thisaih ei hmô. He su liana tlai heta viari ei cha thô aw,’ a vaw tah hapa a châ. Chavâta tahmâ Abeipa bie hawhta, chalo la, he lei su liana tlai heta thy teh,” tah ta.

2 ABEIZY 9:26 ပူးပေါင်းရင်းမြစ်များ

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

1 ABEIZY 21:19

A hnohta, ‘Abeipa ta hetana heta a tah: “Thie chi ta, na hnei pâ ha aw ma?” a tah,’ tah ta. Chatawhcha a hnohta, ‘Abeipa ta hetana heta a tah: “Izy ta Nâbô thisaih ama paliena su liana tlai heta nâma thisai chhao izy ta ama palie aw,” a tah,’” tah ta.

2 ABEIZY 9:21

Zôrâ ta, “A chhuanoh teh u,” tah ta. A talailih a chhuanoh ei ta. Izarei bei Zôrâ nata Zudâh bei Ahazia cha ama talailih chyu kiapa ta kei pua ei ta, Zehu cha kei dy ei ta, Zezari khihpa Nâbô sadô liata a kei tyh ei ta.

2 ABEIZY 9:25

Zehu ta a pheisaih hyutuhpa Bidakâ hnohta, “Chalo la, Zezari khihpa Nâbô sadô liata kei thy teh. Nâ nata kei ta a paw Ahabâ pazipa ta talailih eima kia nota, Abeipa ta ano hriena kyh a vaw reipa kha a thei thlâh ha mah y.

2 THÂTIHZYRONA 24:25

Zôasâ cha hmah thata phaoh ta, Aramia pheisaihzy ta amâ liesai nahta, theihthaipa Zehôdâ sawchapawpa thisaih vâna khata ano chyhsazy tlai ta arulâta tei ei ta, a rakhô liata ama thie haw. Chatanachata Zôasâ cha thi ta, Dâvi khihpi liata pabu ei ta, abeizy thlâ su liata deikua pabu veih ei.

2 THÂTIHZYRONA 25:4

Châhrasala Mawsi Ryhpa Châbu liata, “Sawzy vâta pawzy ama thi awpa châ leipa ta, pawzy vâta sawzy ama thi awpa châ hra vei. Chyhsa to âmo moleina vâta ama thi awpa a châ,” tahpa Abeipa biepiepa hawhta, ama sawzy deikua cha thie vei.

HLAZY 9:13

Hy Abeipa, na ngiachhie la, Thina chhikao tawhta nâ chalotuhpa y, Nâ haotuhpazy vâta pasa ei taona he hmô mah y.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

EZEKIA 18:19

“Chatanachôta, ‘Khazia sawchapaw­pa cha a paw paraona maoh a phaoh aw vei,’ nama tah ngâ thlâh ha chy. Sawchapawpa chata adona nata siana tao sala, ei bieraopa zydua a phapa ta a zyh khiahta cha, a hroh tlai awpa a châ.

HABAKU 2:10

Phopi hluhpi chhawh pathlah chi ta, Na chhôhkha nozapa ta na soh; Nâma hrona tlai chhao na pahlei.

RYHPACHANEINA 24:16

“Sawzy vâta pawzy thie awpa châ leipa ta, pawzy vâta sawzy thie awpa châ hra vei. Chyhsa to âmo moleina vâ chyu ta thie awpa a châ.

RYHPACHANEINA 5:9

Chazy cha nâ chhy awpa châ leipa ta, na chakao awpa châ vei. Kei Abeipa na Khazohpa he Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,