2 ABEIZY 9:17 - Mara Bible RV (BSI)

¹⁷ Zezari thokhy chô liata a duahpa riahvaituhpa ta Zehu py amâ vypa cha kei hmô ta, “Pheisaih py ei hmô,” tah ta. Zôrâ ta, “Âmo dy awpa ta arâ pheisaih pakha tuah la, ama hnohta, ‘Phana kyh a châ ma?’ kei tah mawh sy,” tah ta.

2 ABEIZY 9:17 ပူးပေါင်းရင်းမြစ်များ

2 SAMUELA 13:34

Absalaw deikua cha a râ ha ta. Riahvaituhpa satliapa ta a mo kaw pachhua ta, mohmia pasaih ta, a hnôh lâta tlâh baikhaihpa lâpi lâ tawhta chyhsa hluhpi a vaw tlôpa hmô ta.

2 SAMUELA 18:24

Dâvi cha thokhy chhikao mianopa likawh liata a tyuh thlâh ha ta. Riahvaituhpa cha khôtho lâ a daihpa thokhy chhikao chô lâ kiah ta, mohmia pasaih ta, chyhsa pakha ano deita a vaw râpa hmô ta.

1 ABEIZY 2:15

Adôniza ta, “Abeinarâh he keima eih châ ta, Izarei zydua chhao ta kei he bei châ awpa ta ama hnabeiseihpa ei châpa na pahno. Châhrasala khinarâh cha Abeipa ta ei unawhpa châta a rao hapa vaw châ palie ta, chavâta ei unawhpa eih a châ hapa he a châ.

2 ABEIZY 7:14

Talailih arâ pô no a chhi ei ta, abei ta âmo cha Aramia pheisaihzy a chadai awpa ta tuah ta, ama hnohta, “Sie u la, kei moh tua teh u,” tah ta.

2 ABEIZY 9:11

Zehu cha a zibeipa chakaotuhpazy lâ vaw pua ta, ama hry liata pakha ta a hnohta, “Ato a pha khai ma? Kha ahrupa kha khâpa vâta nâ lâ a vypa ma a châ tly?” tah ta. Zehu ta ama hnohta, “Nama pahnopa chyhsa châ ta, a bie reipa chhao nama pahno kha zaw,” tah ta.

2 ABEIZY 9:16

Zehu cha a talailih kiah ta, Zezari lâ sie ta. Zôrâ cha, cha liata a zia thlâh ha ta. Zudâh bei Ahazia chhao, Zôrâ tly awpa ta zu ta.

2 ABEIZY 9:18

Chatanachata arâ pheisaih pakha ta kei dy ta, a hnohta, “Abei ta, ‘Phana kyh a châ ma?’ a tah,” tah ta. Zehu ta, “Phana cha khâpa ma na taona aw? A palie la, na vaw pazi teh,” tah ta. Riahvaituhpa ta, “Lyuhchâpa kha âmo lâ kei tlô tlai ta, châhrasala vaw kua khao vei,” tah ta.

2 ABEIZY 9:19

Arâ pheisaih hropa pakha tuah heih ta, âmo lâ kei tlô ta, “Abei ta, ‘Phana kyh a châ ma?’ a tah,” tah ta. Zehu ta a chhy ta, “Phana cha khâpa ma na taona aw? A palie la, na pazi teh,” tah ta.

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.

1 SAMUELA 17:22

Dâvi cha niedo mohôhtuhpa ku liata a hmozy soh ta, pheisaihzy yna lâ cha a kei râ ta, a uhtazy cha a kei naoh ta.