2 ABEIZY 9:14 - Mara Bible RV (BSI)

¹⁴ Chatawhcha Nimsi sawchapawpa Zehôsaphâ sawchapawpa Zehu ta Zôrâ cha arulâta tei pathao ta. Aramia bei Hâze toh awpa ta, Zôrâ nata Izarei zydua ta Ramôkilia khihpi cha vaih ei ta.

2 ABEIZY 9:14 ပူးပေါင်းရင်းမြစ်များ

1 ABEIZY 15:27

Iskâra pathla Ahiza sawchapawpa Bâsâ ta ano cha tei ta. Bâsâ ta Nâdâ cha Philistinâ râh Kibethô khihpi liata a thie haw. Cha no cha Nâdâ nata Izarei zydua ta Kibethô khihpi ama dôh no a châ.

1 ABEIZY 16:16

Riehmo liata pheisaih a ypazy ta, “Zimri ta tei ta, bei a thie haw,” tahpa ama reipa thei ei ta. Chatanachata Izarei zydua ta pheisaih hyutuhpa Ômri cha, ama riehmo liana chata, cha noh lia tlai ta Izarei chô liata bei ta ama tao haw.

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

1 ABEIZY 16:9

Châhrasala a talailihzy â khophie chô liata pheisaih hyutuhpa, a chakaotuhpa Zimri ta ano cha tei ta. Elâ cha Tizah liata a y nota, Tizah khihpi liata a o mohôhtuhpazy hyutuhpa Âza o liata parina taihta doh ta.

1 ABEIZY 22:3

Izarei bei ta a chakaotuhpazy hnohta, “Ramôkilia khihpi he keimo eih a châ tahpa pahno thlâh ha tlôhpa ta, khâpa vâta ma Aramia bei ku tawhta chhu leipa ta a chalihsai thlâh hapa ma eima châ tly?” tah ta.

2 ABEIZY 10:9

A mylâ my ta Zehu cha kei pua ta, zawpi zydua hmia liata a duah ta, ama hnohta, “Nâmo la paraona hnei veih ei chi. Kei ta ei zibeipa tei na ta, ei thiepa a châ. He sahlao zydua deikua he ahy ma a thie tly?

2 ABEIZY 12:21

A chakaotuhpa Simiathi sawchapawpa Zôzakâ nata Sôme sawchapawpa Zehôzabâ ta ama thie haw. A pathlatuhpazy hnohta Dâvi khihpi liata pabu ei ta, a sawchapawpa Amazia ta ano su liata â bei.

2 ABEIZY 15:30

Elâ sawchapawpa Hôsia ta Remâliah sawchapawpa Pekâ cha arulâta tei ta, chhawhsao ta, ano su liata â bei haw. Hôsia cha Uzia sawchapawpa Zôthâ kô kih â bei kô ta a bei pathaopa a châ.

2 ABEIZY 8:28

Ahabâ sawchapawpa Zôrâ hnohta Ramôkilia khih liata Aramia bei Hâze adyuhna lâ sie hra ta. Zôrâ cha Aramia mo ta hmah vaw paphao ei ta.

2 ABEIZY 8:29

Bei Zôrâ cha Aramia bei Hâze amâ dyuhna liata Aramia mo ta Râmâ khih liata hmah ama paphaopa cha, Zezari khih liata a patlâ awpa ta kua ta. Zudâh bei Zehôrâ sawchapawpa Ahazia cha Ahabâ sawchapawpa Zôrâ a pasapa vâta a hmô awpa ta Zezari khih lâ zu ta.

2 ABEIZY 9:2

Na kei tlô nahta, Nimsi sawchapawpa Zehôsaphâ sawchapawpa Zehu kei tlua mah y. A kei ngia la, a unawhzy hry tawhta pathyu la, chhôhpadâhpa chhôh chaipa liata a ngiakhei mah y.

2 ABEIZY 9:31

Zehu cha thokhy chhikao â kei ngia nahta, a hnohta, “Nâ, Zimri, na zibeipa a thietuhpa, phana kyh a châ ma?” za tah ta.