2 ABEIZY 9:1 - Mara Bible RV (BSI)

¹ Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

2 ABEIZY 9:1 ပူးပေါင်းရင်းမြစ်များ

1 ABEIZY 1:39

Cha liata, theihthaipa Zadô ta poh o lâ saki sathaw ôh kei la ta, Sawlawmaw cha sathawthu ta. Chiahmie tô ei ta, zawpizy ta, “Bei Sawlawmaw hroh pareih mawh sy!” tah ei ta.

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

1 ABEIZY 19:16

Nisi sawchapawpa Zehu chhao Izarei bei châta sathawthu aw chi ta, Saphâta sawchapawpa Elaisâh cha, nâma su châ thla awpa hrohsopa châta sathaw na thu aw.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

1 ABEIZY 22:20

Abeipa ta, ‘Ahabâ cha Ramôkilia lâ pakhysa ta, cha liata pao awpa ta ahy ma a reipasao aw?’ tah ta. Pakha ta hmo miakha reih ta, ahropa ta hmo hropa reih ta.

1 ABEIZY 22:4

Zehôsaphâ hnohta, “Ramôkilia khihpi he einâ vaw dyuhkhei khoh aw chi ma?” tah ta. Zehôsaphâ ta Izarei bei hnohta, “Nâ nata kei cha miakhapa châ pi ta, ei phopi nata na phopi chhao miakhapa châ ei ta, keima arâzy nata nâma arâzy chhao miakhapa mah ama châ tâh,” tah ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

2 ABEIZY 2:3

Bethel liata a ypa hrohsopa sahlao sawchapawzy Elaisâh lâ a vy ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:5

Zerikô liata a ypa hrohsopa sahlao sawchapawzy ta Elaisâh a kei hnia ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:7

Hrohsopa sahlao sawchapaw­zy hry tawhta sypangawh vawh ei ta, âmo dady liata â hlapi ta a kei duah ei ta. Âmo pano deikua cha Zawdâh chavah kiah liata a duah ei ta.

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

2 ABEIZY 4:29

Elaisâh ta Kehâzi hnohta, “Na chai a saih la, ei chôchahrei he na ku ta chaba la, sie teh. Chyhsa nâ tyh khiahta cha, a naoh leipa la, chyhsa ta ama châ naohpa chhao ta, a naoh palie leipa la, ei chôchahrei he hawtipa hmia liata kei pahnieh mah y,” tah ta.

2 ABEIZY 9:4

Chatanachata hrohsopa chakaotuhpa satliapa cha Ramôkilia lâ sie ta.

2 THÂTIHZYRONA 22:1

Arabia mo hnohta riehmo lâ a vypa pheisaihzy ta Zehôrâ sawchapaw uhthei viapa zydua ama thie khai hapa vâta, Zerusale khihsawzy ta a sawchapaw seihnai chaipa Ahazia cha ano su liata bei ta tao ei ta. Chatanachata Zudâh bei Zehôrâ sawchapawpa Ahazia cha a bei ta y ta.

2 THÂTIHZYRONA 22:5

Ama ryhraokheina zipa ta, Ramôkilia liata Aramia bei Hâze a dyuh awpa ta, Ahabâ sawchapawpa Izarei bei Zehôrâ hnohta sie ta. Zôrâ cha Aramia mo ta hmah vaw paphao ei ta.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

MATHAI 26:7

chanô pakha sathaw ropahâh ngaitapa alabastâ ôh a vaw cheipa ta a vy ta, pati a dôh hai nota a luh liata bao ta.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:3

Bâlâpeô liata Abeipa hmotaopa kha nama mo ta hmô ta, Bâlâpeô a pazipa zydua Abeipa nama Khazohpa ta nama hry tawhta a pahleipadia khai hapa chhao nama hmô.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.