2 ABEIZY 8:9 - Mara Bible RV (BSI)

⁹ Hâze cha Khazohpa chyhsa a hmô awpa ta sie ta. Kuhria châta Dâmaskâ liata hmo phapa to, râraoseihpa sypalih phao tlai phaopa ta. A tlô nahta, a hmiakô liata a kei duah ta, a hnohta, “Na sawchapawpa Aramia bei Benhadâ ta, ‘He pasana tawh heta ei tlâh thei aw ma,’ tahpa ta cha hiahri awpa ta nâ lâta eina vaw tuah,” tah ta.

2 ABEIZY 8:9 ပူးပေါင်းရင်းမြစ်များ

1 ABEIZY 14:3

Viahchhâ tlâ hrawh, viahchhâ pahupazy nata kheihti ôh kha phaoh la, ano lâ vawh teh. Hawti chô liata hmo a tlô awpa a cha chho aw,” tah ta.

1 ABEIZY 15:18

Âsâ ta Abeipa o sôh nata abei o sôh sonazy liata tâkâ nata ngôh zydua la ta, a chakaotuhpazy ku liata hlâ ta. Cha sôhzy cha Bei Âsâ ta Dâmaskâ khih liata a ypa Aramia bei Benhadâ lâ paphao ta. Benhadâ cha Heziô sawchapawpa Tâbarimaw sawchapawpa a châ. Âsâ ta Benhadâ hnohta,

1 ABEIZY 19:15

Abeipa ta a hnohta, “Na vaw siena lâta a lie la, Dâmaskâ râhchawhpa lâta sie mah y. Na tlô nahta, Hâze cha Aramia bei châta sathaw na thu aw.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 13:14

Elaisâh cha thikhei awpa pasana hri ta pasa ta. Izarei bei Zôasâ cha ano lâ zu ta, chakhei ta, “Ei pâ, Hy ei pâ! Izarei talailihzy nata ama arâ pheisaihzy ta a ypa y!” tah ta.

2 ABEIZY 16:7

Ahâza ta Asuria bei Tikalâpilesa lâ lyuhchâpa tuah ta, a hnohta, “Châ chakaotuhpa nata na sawchapawpa ei châ hih. A khy la, nâ dyuh ngâpa Aramia bei ku tawhta nata Izarei bei ku tawhta na kaw pachha teh,” tah ta.

2 ABEIZY 5:13

A chakaotuhpazy ta a kei hnia ei ta, a hnohta, “Ei pâ y, hrohsopa ta hmo laipa cha pataosa sala, tao aw va chi ma? ‘Ti liata a kei ny teh, na pathaih ha aw,’ a cha tahpa cha hmo rairupa chhao châ va,” tah ei ta.

2 ABEIZY 5:5

Aramia bei ta, “Sie mah y, thlai sie mah y. Izarei bei lâta châ ei paphao aw,” tah ta. Nâmâ cha sie ta, tâkâ talent miahrawh nata ngôh sekel sâh charu nata chysia a patly awpa zo hrawh phaoh ta.

2 ABEIZY 6:21

Izarei bei ta âmo cha a hmôpa nahta, Elaisâh hnohta, “Ei pâ, ei thie aw ei ma? Ei thie aw ei ma?” tah ta.

BIECHHOTUHPA 3:6

Tlua daihti y ta, pahlei daihti a y; Paso daihti y ta, thy pathlah daihti a y;

PHILEMAW 1:14

Châhrasala na hmo pha tao awpa cha, pataosa raruahpa châ leipa ta, nâma lôhthai tlai ta a taopa na châ awpa ei khohpa vâta, na bie leipa ta khâpa hmah tao awpa khoh va na.

1 SAMUELA 25:8

Na satliazy hiahri la, ama cha chho aw. Chavâta satliazy he vaw ngiachhie mah y. Kyhchhi daihti liata nâ lâ a vypa eima châ hih. Ngiachhiepa ta, châ chakaotuhpazy nata na sawchapawpa Dâvi he, na hnei rypaohpa maih vaw pie mah y,’ tahpa ta nama kaw chho aw,” tah ta.

1 SAMUELA 9:7

Sawla ta a chakaotuhpa hnohta, “Vawh ei sih la, cha chyhsa châta khâpa ma eima cheipa aw? Eima sahriazy liata viahchhâ hra cha y khao tlôh va, Khazohpa chyhsa châta kuhria eima cheipa awpa y vei. Eima hneipa a y rai ma?” tah ta.