2 ABEIZY 8:7 - Mara Bible RV (BSI)

⁷ Elaisâh cha Dâmaskâ lâ sie ta. Aramia bei Benhadâ cha vaw pasa ha ta. “Khazohpa chyhsa a vaw tlô” tahpa chho ei ta.

2 ABEIZY 8:7 ပူးပေါင်းရင်းမြစ်များ

ÂTHAONA 14:15

Zâ ta chho awpa ta ano nata a chakaotuhpazy a pachhaih ei ta, thie lymâ ei ta, Dâmaskâ chavei lâta a ypa Hôbâ khih taihta a chadai ei ta.

1 ABEIZY 11:24

Ano he Dâvi ta Zôbabi mo a pahnie tawhta, ano lâta chyhsazy awpakhy ta, hraotuhpa py hyutuhpa ta a ypa kha a châ. Dâmaskâ khihpi lâ sie ei ta, cha liata pahrâ ei ta, Dâmaskâ khihpi liata ano cha bei ta ama tao.

1 ABEIZY 13:1

Abeipa biepiepa hawhta, Zudâh tawhta Khazohpa chyhsa pakha Bethel lâ a vy ta. Zerôbaw cha maisâh kiapâh liata hmo hlâ awpa ta a duah ta.

1 ABEIZY 15:18

Âsâ ta Abeipa o sôh nata abei o sôh sonazy liata tâkâ nata ngôh zydua la ta, a chakaotuhpazy ku liata hlâ ta. Cha sôhzy cha Bei Âsâ ta Dâmaskâ khih liata a ypa Aramia bei Benhadâ lâ paphao ta. Benhadâ cha Heziô sawchapawpa Tâbarimaw sawchapawpa a châ. Âsâ ta Benhadâ hnohta,

1 ABEIZY 20:1

Aramia bei Benhadâ cha a pheisaih zydua pakhy ta. Abei sythôh nata pano ta ano chhâh a châ ei ta, arâzy nata talailihzy chhao hnei ta. Samâri lâ khy ta, dôh ta, a dyuh ta.

1 ABEIZY 20:34

Benhadâ ta a hnohta. “Ei paw ta na paw tawhta khihpi a vaw la hapazy kha cha pie pakhua heih aw na ta, ei paw ta Samâri liata sohdaohna su a taopa hawhna khata, Dâmaskâ liata sôdaohna su na tao hra aw,” tah ta. Ahabâ ta, “Cha biehrai cha tao sih la ei cha pasiesa aw,” tah ta. Chatanachata a hnohta bie hraih ta, pasiesa ha ta.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

2 ABEIZY 5:20

Khazohpa chyhsa Elaisâh chakaotuhpa Kehâzi ta, “Moh tua u, ei zibeipa ta Aramia chyhsa Nâmâ kha ngiachhie ta, hmo a vaw phaopazy a ku tawhta la leipa ta, a pasiesa haw. Abeipa hrona reipa ta ei reih, a kei chadai aw na ta, khâpa chhâ ma ei kei la tua aw,” tah ta.

2 ABEIZY 6:12

A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

2 ABEIZY 6:24

Cha hnôhlâ ta Aramia bei Benhadâ ta a pheisaih zydua pakhy ta, Samâri khihpi dôh ta.

2 ABEIZY 8:6

Abei ta chanô cha hiahri ta, chanô ta â dozie chho ta. Abei ta hyutuhpa pakha rao ta, a hnohta, “Ano eih zydua pie pakhua la, râh a puasai noh tawhta tahmâ taihta a lyuzy liata kô a veihpa zydua chhao pie pakhua khai mah y,” tah ta.

ISAI 7:8

Aramia luh cha Dâmaskâ châ ta, Dâmaskâ luh cha Rezi a châ. Kô sycharu nata kô pangawh chhôh ta, Epharai cha phopi a châna parao khaipa a châ aw.

ZEREMIAH 40:5

Na kua awpa khiahta cha, Babylaw bei ta Zudâh khihpizy chô liata ryureituhpa ta a raopa Sâphâ sawchapawpa Ahikâ sawchapawpa Kedaliah lâ kua la, a hnohta râhsawzy hry liata kei pahrâ mah y. Cha su lâ kua awpa na khoh vei khiahta cha, pha na tahna lâ maih sie mah y,” tah ta. Chatanachata pheisaih hyutuhpa ta Zeremiah cha nie awpa nata kuhria pie ta, pasiesa ha ta.

HMOTAOPAZY 17:6

Châhrasala lyuhchâpazy cha hmô leipa ei ta, Zasaw nata unawh hropa thokhazy cha khihpi biehneituhpazy lâ a daophi ei ta, “He sahlao, khizaw a palie patheih khai hapazy heta, he lâ chhao vaw tlô ei ta.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.

RYUREITUHPAZY 16:2

Kâza mo hnohta, “Sâsawna he lâ â vy,” tahpa chho ei ta. Cha su cha dôh ei ta, khihpi thokhy chhikao liata azo zâ khihdei a byh ei ta. Azo zâ khihdei a chalih ei ta, “My khih pavâna taih hâ aw pi ta, eima thie aw,” tah ei ta.