2 ABEIZY 8:5 - Mara Bible RV (BSI)

⁵ Elaisâh ta athihpa a pathyuna thâtih Kehâzi ta abei a chho hai nota, a sawchapawpa a pahro heihpa chanô chata a o nata a lyu abei hnohta vaw hiah ta. Kehâzi ta, “Ei zibeipa, Hy abei y, he he chanô cha a châ. He he Elaisâh ta a pahro heihpa a sawchapawpa cha a châ,” tah ta.

2 ABEIZY 8:5 ပူးပေါင်းရင်းမြစ်များ

1 ABEIZY 20:1

Aramia bei Benhadâ cha a pheisaih zydua pakhy ta. Abei sythôh nata pano ta ano chhâh a châ ei ta, arâzy nata talailihzy chhao hnei ta. Samâri lâ khy ta, dôh ta, a dyuh ta.

2 ABEIZY 4:12

Ano chakaotuhpa Kehâzi hnohta, “Sunâ chanô kha kei aw tua,” tah ta. Sunâ chanô cha kei aw ta, a hmiakô liata a vaw duah ta.

2 ABEIZY 4:35

Thyu ta, o chhôh liata a hlaihlâ ta, rakhô chô lâ kiah heih ta, a chô liata a byu thlu heih ta. Hawtipa cha ei sari vaw hâthih ta, a mo vaw padeih ta.

2 ABEIZY 6:12

A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

2 ABEIZY 6:26

Izarei bei cha thokhy chô liata â hlaihlâ hai nota, chanô pakha ta vaw awsao ta a hnohta, “Hy abei y, Hy ei zibeipa y, na bao teh,” tah ta.

2 ABEIZY 8:6

Abei ta chanô cha hiahri ta, chanô ta â dozie chho ta. Abei ta hyutuhpa pakha rao ta, a hnohta, “Ano eih zydua pie pakhua la, râh a puasai noh tawhta tahmâ taihta a lyuzy liata kô a veihpa zydua chhao pie pakhua khai mah y,” tah ta.

ESTHERI 5:14

A lapinô Zeresi nata a viasa zydua ta a hnohta, “Dy sypangawh a sâhpa paaosaona taopa châ sala, cha liata Môdekai cha paaosao awpa ta, mydi ta abei chho aw chi ta, chatanachata kyhchhina lâ cha abei hnohta a lypa ta vawh mah y,” tah ei ta. Cha bie chata Hâmâ cha palysa kaw ta, paaosaona cha pataosa ta.

HLAZY 145:1

Hy ei Khazohpa nata ei Beipa, Cha palyupali aw na ta, Chhâzaw nata tlyzaw ta na moh ei reithai aw.

BIESOZY 16:9

Chyhsapa palôh ta a lâpi pachâhpady ta, A lâsie a chhituhpa deikua cha Abeipa a châ.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RUTHI 2:3

Ruthi cha a thao ta, sie ta, lyu liata sâh hriatuhpazy hnôh lâta kâmo thoh laih ta. Elimele phoheihpa Bôaza lyu liata kei sie chho ta.

1 SAMUELA 26:17

Sawla ta Dâvi ao a châpa pahno ta, a hnohta, “Cha cha nâma ao ma a châ, ei sawchapawpa Davi,” tah ta. Dâvi ta, “Hy abei y, ei zibeipa y, keima ao na a châ,” tah ta.