2 ABEIZY 8:24 - Mara Bible RV (BSI)

²⁴ Zôrâ cha a pathlatuhpazy hnohta a mô ta, a pathlatuhpazy hnohta Dâvi khihpi liata pabu ei ta, a sawchapawpa Ahazia ta ano su liata â bei.

2 ABEIZY 8:24 ပူးပေါင်းရင်းမြစ်များ

1 ABEIZY 11:43

Sawlawmaw cha a pathlatuhpazy hnohta a mô ta, a paw Dâvi khihpi liata pabu ei ta, a sawchapawpa Rehôbaw ta ano su liata â bei.

1 ABEIZY 14:20

Zerôbaw cha kô kih nata kô no ryureih ta, a pathlatuhpazy hnohta a mô ha ta, a sawchapawpa Nâdâ ta ano su liata â bei.

1 ABEIZY 14:31

Rehôbaw cha a pathlatuhpazy hnohta a mô ta, a pathlatuhpazy hnohta Dâvi khihpi liata pabu ei ta. A nô moh cha Amawna zuah Nâmâh a châ. A sawchapawpa Abizah ta ano su liata â bei.

1 ABEIZY 2:10

Dâvi cha a pathlatuhpazy hnohta a mô ta, Dâvi khihpi liata pabu ha ei ta.

2 ABEIZY 10:13

Zehu ta Zudâh bei Ahazia unawhzy a tyh ta, ama hnohta, “Ahyzy nama châ?” tah ta. Âmo ta, “Ahazia unawhzy eima châ. Abei sawzy nata abeinô sawzy a naoh awpa ta eimâ zu,” tah ei ta.

2 ABEIZY 14:20

A ri cha arâ ta vaw phaoh ei ta, a pathlatuhpazy hnohta Dâvi khihpi Zerusale liata ama pabu.

2 ABEIZY 15:38

Zôthâ cha a pathlatuhpazy hnohta a mô ta, a pathlatuhpazy hnohta a mapaw Dâvi khihpi liata pabu ei ta, a saw­chapawpa Ahâza ta ano su liata â bei.

2 ABEIZY 16:20

Ahâza cha a pathlatuhpazy hnohta a mô ta, a pathlatuhpazy hnohta Dâvi khihpi liata pabu ei ta, a sawchapawpa Hezekia ta ano su liata â bei.

2 ABEIZY 8:23

Zôrâ thâtih nata a hmotaopa hropa zydua cha Zudâh beizy thâtih rona châbu liata ropa a châ.

2 ABEIZY 9:28

A chakaotuhpazy ta Zerusale lâ talailih ta siekhei ei ta, Dâvi khihpi liata ano thlâ liata a pathlatuhpazy hnohta ama pabu haw.

1 THÂTIHZYRONA 3:11

Zehôsaphâ sawchapawpa cha Zôrâ châ ta, Zôrâ sawchapawpa cha Ahazia châ ta, Ahazia sawchapawpa cha Zôasâ châ ta,

2 THÂTIHZYRONA 21:1

Zehôsaphâ cha a pathlatuhpazy hnohta a mô ta, a pathlatuhpazy hnohta Dâvi khihpi liata pabu ei ta, a sawchapawpa Zehôrâ ta ano su liata â bei.

2 THÂTIHZYRONA 21:17

Zudâh kaw siehnaopa ta chho ei ta, abei o liata hmo zydua la ei ta, a sawchapawzy nata a lapinôzy chhao amâ chhi khai haw. A sawchapaw seihnaipa Zehôahâ tah leipa ta cha pakha hmah pahlôh leipa ta amâ chhi khai haw.

2 THÂTIHZYRONA 21:20

Zehôrâ cha â bei pathao nota kô sythôh nata kô nopa châ ta, Zerusale liata kô charie a bei ta, a thipa a pasaih leipa y veih ei. Dâvi khihpi liata pabu ei ta, abeizy thlâ su liata deikua châ vei.

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

2 THÂTIHZYRONA 22:1

Arabia mo hnohta riehmo lâ a vypa pheisaihzy ta Zehôrâ sawchapaw uhthei viapa zydua ama thie khai hapa vâta, Zerusale khihsawzy ta a sawchapaw seihnai chaipa Ahazia cha ano su liata bei ta tao ei ta. Chatanachata Zudâh bei Zehôrâ sawchapawpa Ahazia cha a bei ta y ta.

2 THÂTIHZYRONA 22:6

Râmâ liata Aramia bei Hâze nata amâ dyuhna liata a hmahphaopa patlâh awpa ta, Zehôrâ cha Zezari lâ a lie ta. Ahabâ sawchapawpa Izarei bei Zôrâ tlâh leipa cha tly awpa ta, Zehôrâ sawchapawpa Zudâh bei Ahazia cha Zezari lâ sie ta.

2 THÂTIHZYRONA 25:23

Izarei bei Zôasâ ta Ahazia sawchapawpa Zôasâ sawchapawpa Zudâh bei Amazia cha Beseme liata patu ta, Zerusale lâ a chhi ta. Zerusale thokhy cha Epharai Chhikao tawhta Aki Chhikao taihta dy za palih pacho ta.