2 ABEIZY 8:20 - Mara Bible RV (BSI)

²⁰ Ano â beina daihti liata Edômâ ta Zudâh ryureina cha a dyuh ta, ano eih ta bei a tao ei ta.

2 ABEIZY 8:20 ပူးပေါင်းရင်းမြစ်များ

ÂTHAONA 27:40

Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

2 SAMUELA 8:14

Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

1 ABEIZY 22:47

Edômâ râh liata bei y leipa ta, bei vyuhpa ta a ypa ta ryureih ta.

1 ABEIZY 22:48

Zehôsaphâ ta ngôh a vaw phaoh awpa ta Ôphi lâ a sie awpa Tâsi balyh py padua ta, châhrasala balyhzy cha Eziôkebe liata a rao khai hapa vâta sie thei leipa ei ta.

2 ABEIZY 14:7

Alôh Saikao liata Edômâ mo thy kha thie ta. Selâ khih a dyuh ta, la ta, a moh ta Zôthelâ bi ta, cha cha tanoh taihta a moh a châ haw.

2 ABEIZY 3:26

Môabâ bei ta adyuhna liata ano a nawh viapa hawhta a hmô nahta, zaozi pheisaih 700 a chhi ta, Edômâ bei dady liata kei tôh a chhuah ta, châhrasala tôh thei leipa ei ta.

2 ABEIZY 3:27

A sawchapaw uhtheipa, ano su liata bei a châ awpa a chhi ta, raopa hlâna ta thokhy chô liata hlâ ta. Cha chata Izarei chô liata pathiiana lai ngaitapa vaw patlôsa ta, chatanachata Môabâ bei cha a sysai ei ta, ama râh lâ amâ lie haw.

2 ABEIZY 3:9

Chatanachata Izarei bei cha Zudâh bei nata Edômâ beizy chhaota sie ei ta. Noh sari chahlô ei ta, pheisaihzy nata ama sahroh a chhipazy do awpa ti y leipa ta.

2 ABEIZY 8:22

Chatanachata Edômâ cha tanoh taihta Zudâh â dyuh ngâ thlâh haw. Cha daihti liata Libnâ khi chhao Zudâh a dyuh ha hra ta.