2 ABEIZY 8:19 - Mara Bible RV (BSI)

¹⁹ Châhrasala Abeipa ta Dâvi nata a pathlazy cha chhâzaw ta meiôh pie awpa ta bie â vaw taih hapa vâta, a chakaotuhpa Dâvi zawhzi ta Zudâh cha pahleipadia khoh vei.

2 ABEIZY 8:19 ပူးပေါင်းရင်းမြစ်များ

2 SAMUELA 21:17

Châhrasala Zeru sawchapawpa Abisai ta pachha ta, Philistinâ chyhsa cha a dyuh ta, thie ha ta. Dâvi chyhsazy ta, “Izarei meiôh na pachhai lei nawpa ta, adyuhna lâ eima hnohta pua khao cheita aw va chi,” tahpa ta a hnohta bie a taih ei ta.

2 SAMUELA 7:15

Châhrasala ei zawngiahna ta ano cha siesai beih aw vei. Na hmiakô tawhta ei la hapa Sawla tawhta ei zawngiahna ta a siesai hapa hawhna khata châ aw vei.

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

1 ABEIZY 11:12

Na paw Dâvi vâta nâma hro chhôh ta deikua cha, tao mâh leipa aw na ta, na sawchapawpa ku tawhta ei chhu aw.

1 ABEIZY 11:13

Chatahrasala khinarâh cha a zydua ta cha chhu khai aw va na. Nâ chakaotuhpa Dâvi vâta nata ei tlyhpa Zerusale vâta, Izarei chi kha cha na sawchapawpa ei pie aw,” tah ta.

1 ABEIZY 11:36

Ei moh y nawpa ta ei tlyhpa Zerusale khihpi liana heta nâ chakaotuhpa Dâvi cha meiôh a hnei lymâ thei nawpa ta, a sawchapawpa hnohta chi kha ei pie aw.

2 ABEIZY 11:2

Ahazia sawchapawpa Zôasâ deikua cha, Bei Zôrâ sawchanô Zehôsebâ, Ahazia sietanô ta abei sawchapaw ama thie awpazy hry tawhta lapapua ta, ano nata a mokhâhtuhpa cha aziana chhôhpadâhpa liata nyu ta. Athaliah ta a hmô thei lei nawpa ta nyu ha ta, chavâta Zôasâ cha thiepa châ vei.

2 ABEIZY 19:34

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

HLAZY 132:10

Châ chakaotuhpa Dâvi zawhzi ta, Na sathawthupa hmia pakuasa khah y.

HLAZY 132:17

Cha liata Dâvi châta ki pathaosa aw na ta, Ei sathawthupa châta meiôh ei chhuanoh haw.

ISAI 37:35

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.