2 ABEIZY 8:16 - Mara Bible RV (BSI)

¹⁶ Zehôsaphâ Zudâh bei a châ nota, Ahabâ sawchapawpa Zôrâ cha Izarei liata a bei ta, â beina kô pangawhna liata Zehôsaphâ sawchapawpa Zehôrâ cha Zudâh liata abei pathao ta.

2 ABEIZY 8:16 ပူးပေါင်းရင်းမြစ်များ

1 ABEIZY 22:42

Zehôsaphâ cha â bei pathao nota kô sythôh nata kô pangawh châ ta, Zerusale liata kô kih nata kô pangawh â bei. A nô moh cha Azubâ châ ta, Sihi sawchanô a châ.

1 ABEIZY 22:44

Zehôsaphâ cha Izarei bei nata chhao adyhna tao ta.

1 ABEIZY 22:50

Zehôsaphâ cha a pathlatuhpazy hnohta a mô ta, a pathlatuhpazy hnohta a mapaw Dâvi khihpi liata pabu ei ta. A sawchapawpa Zehôrâ ta ano su liata â bei.

1 ABEIZY 22:51

Zudâh bei Zehôsaphâ kô hrawh hleisari â bei kô ta, Ahabâ sawchapawpa Ahazia cha Samâri liata Izarei chô liata a bei pathao ta, Izarei chô liata kô no â bei.

2 ABEIZY 1:17

Elaizâh reipa Abeipa bie hawhta, Bei Ahazia cha thi ha ta. Sawchapaw a hnei leipa vâta Zehôrâ ta ano su liata â bei. Zehôsaphâ sawchapawpa Zudâh bei Zehôrâ abeina kô nona liata Izarei bei Zehôrâ â bei pathao.

2 ABEIZY 11:2

Ahazia sawchapawpa Zôasâ deikua cha, Bei Zôrâ sawchanô Zehôsebâ, Ahazia sietanô ta abei sawchapaw ama thie awpazy hry tawhta lapapua ta, ano nata a mokhâhtuhpa cha aziana chhôhpadâhpa liata nyu ta. Athaliah ta a hmô thei lei nawpa ta nyu ha ta, chavâta Zôasâ cha thiepa châ vei.

2 ABEIZY 3:1

Zudâh bei Zehôsaphâ kô hrawh hleicharie â bei kô ta, Ahabâ sawchapawpa Zehôrâ cha Izarei chô liata Samâri liata a bei pathao ta, kô hrawh hleino â bei.

2 ABEIZY 8:25

Ahabâ sawchapawpa Izarei bei Zôrâ a beina kô hrawh hleinona liata, Zehôrâ sawchapawpa Ahazia cha Zudâh liata a bei pathao ta.

2 THÂTIHZYRONA 22:1

Arabia mo hnohta riehmo lâ a vypa pheisaihzy ta Zehôrâ sawchapaw uhthei viapa zydua ama thie khai hapa vâta, Zerusale khihsawzy ta a sawchapaw seihnai chaipa Ahazia cha ano su liata bei ta tao ei ta. Chatanachata Zudâh bei Zehôrâ sawchapawpa Ahazia cha a bei ta y ta.