2 ABEIZY 8:12 - Mara Bible RV (BSI)

¹² Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

2 ABEIZY 8:12 ပူးပေါင်းရင်းမြစ်များ

1 ABEIZY 18:13

Zezebel ta Abeipa hrohsopazy a thie nota ei hmotaopa, Abeipa hrohsopazy hry liata chyhsa za kha, sypangawh sypangawh ta, lôpu liata nyu ei na ta, viahchhâ nata ti ta ei pasazie zy ei kha, ei zibeipa hnohta cha chho veih ei tlyma?

1 ABEIZY 19:17

Hâze zaozi tawhta a râpa maih cha Zehu ta thie aw ta, Zehu zaozi tawhta a râpa maih cha Elaisâh ta a thie aw.

2 ABEIZY 12:17

Cha daihti liata Aramia bei Hâze cha khy ta, Kâthâ khih a dyuh ta, la ta. Hâze cha Zerusale lâ khy lymâ a chhuah ta.

2 ABEIZY 12:18

Zudâh bei Zehôasâ ta a pathlatuhpa Zudâh bei Zehôsaphâ, Zehôrâ nata Ahazia zy ta ama vaw hlâ hapa hmo ziehpa zydua nata ano daihti liata hmo ziehpa a pachôpazy nata Abeipa o liata nata abei o liata ryubyhzy liata ngôh a ypa zydua la ta, Aramia bei Hâze hnohta paphao ta. Chatanachata Hâze ta Zerusale cha kuasai ha ta.

2 ABEIZY 13:22

Aramia bei Hâze ta Zehôahâ hro chhôh zydua cha Izarei tlybai ta.

2 ABEIZY 13:3

Chavâta Abeipa cha Izarei chô liata a pathi ia ta, âmo cha Aramia bei Hâze ku liata nata Hâze sawchapawpa Benhadâ ku liata ama hro chhôh zydua ta a pie ha ei.

2 ABEIZY 13:7

Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

2 ABEIZY 15:16

Menâhe ta Tiphasa khih nata a chhôh liata a ypa zydua nata Tizah a vaw pazipa râh zydua a dyuh ta. Ano châta amâ pahy leipa vâta parao khai ta, saw phaohpa chanô taihta ama py hriechheih ta a pahy khai ei.

2 ABEIZY 4:28

Chanô ta, “Ei zibeipa hnohna heta sawchapaw ei cha hiah rai ma? ‘Na dôvei khah y,’ ei cha tah vei ma?” tah ta.

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 13:18

Ama libawzy ta satliazy hriechheih aw ta, Chhi thei chô liata zawngiahna hnei leipa aw ei ta, Ama mo ta hawtizy ngiachhie hra aw vei.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.

NÂHU 3:10

Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.