2 ABEIZY 7:6 - Mara Bible RV (BSI)

⁶ Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

2 ABEIZY 7:6 ပူးပေါင်းရင်းမြစ်များ

2 SAMUELA 10:6

Amawna mo cha Dâvi hmia liata ama roh a chhie haw tahpa ama pahno nahta, Amawna mo ta Berô nata Zôbâ liata Aramia alei pheisaih 20,000 bieta ei ta, Mâkâ bei lâta 1,000 nata Tôbâ mo lâta 12,000 bieta hra ei ta.

2 SAMUELA 5:24

Malburi kôzy kithlao liata hrâsiepa pyu na thei nahta, a dyuh awpa ta na thyu aw. Philistinâ pheisaihzy a dyuh awpa ta, na hmia lâta Abeipa a sie haw,” tah ta.

1 ABEIZY 10:29

Talailih miakha ta sekel 600 lymâ ta nata arâ pô kha ta sekel 150 lymâ ta Izi râh lâ za chalei ei ta, abei sôhpalietuhpazy hmâpa ta Hiti beizy nata Syria beizy lâta ama zuah pachhuah tyh.

1 ABEIZY 20:20

Amâ supa chyu thie ei ta. Aramia mo cha a râpai ha ei ta. Izarei mo ta âmo cha a chadai ei ta, Aramia bei Benhadâ cha arâ kiah ta, arâ pheisaihzy chhao ta a râ ha ta.

2 ABEIZY 19:7

Pachâ teh, a chhôh liata thlahpa soh aw na ta, bie pathâhpa a thei aw. Chatanachata a râh lâ a lie aw ta, ano râh liata zaozi ta ei papaosa aw,’ tahpa ta,” tah ta.

2 ABEIZY 7:5

Chatanachata Aramia mo riehmo lâ vaw awpa ta azo hrahri ta pua ei ta. Aramia mo riehmo tytuapa ama tlô nahta, ahy hmah vaw y leipa ei ta.

ZAWBÂ 15:21

Chichhihpa pyuzy a nah ta thei ta, A phasa hai nota paraotuhpa ta â vyhnao aw.

HLAZY 14:5

Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 36:9

Talailih nata arâ pheisaih zy kyh liata Izi nâ ngâchhâ chhôh zydua cha, kheihta ma ei zibeipa chakaotuhpa chyh chaipazy hry liata pheisaih hyutuhpa pakha chhao he na pakhâ thei aw?

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

EZEKIA 1:24

Ama sie nahta, ama mathlaw pyu cha ti hluhpi pyu hawhta thei na ta, Atotaotheipa ao hawhta theipa ta, pheisaih hluhpi awhsâhpa pyu hawhta ei thei. Amâ dua nahta deikua cha, ama mathlawzy ama pazih tyh.

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

BIEPHUAH 9:9

Thua chachôhna vyhphao a lyupa chachôhna vyhphao hnei ei ta, ama mathlaw chakhypa pyu cha, adyuhna lâ a râ ngâpa talailih hluhpi nata arâ hluhpi pyu hawhta a châ.

RYUREITUHPAZY 7:21

Chyhsa to riehmo chadôpa ta amâ duana su chyu liata a duah ei ta. Midia pheisaih zydua cha a râpai ei ta. Chipa ta awsâh laihna chôta a râ ei ta.

1 SAMUELA 14:15

Riehmo liata zy, lyu liata zy, zawpi zydua hry liata chhao, a pahlawpa ta a chalyu ei ta. Riahvaituhpa pheisaihzy nata hrâ a siepa pheisaihzy taihta thata amâ chalyu. Alo a vaw sih ta, thata tyhreihna vaw y ta.

1 SAMUELA 26:6

Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.