2 ABEIZY 7:4 - Mara Bible RV (BSI)

⁴ ‘Khihpi chhôh lâ a ngia ei suh u,’ tah mawh sih la, khihpi chakâh tlôh ei ta, cha liata thi pyly aw pi. He liata eimâ tyupa chhao ta, thi pyly aw pi. Chavâta a vy teh u, Aramia pheisaihzy riehmo lâ vawh thlâh tua suh u. Eima hrona miah ama pahlôh khiahta cha, hroh aw pi ta, miah ama thie khiahta cha, cha liata thi thlâh ha lah vâ pi,” tah ei ta.

2 ABEIZY 7:4 ပူးပေါင်းရင်းမြစ်များ

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

2 ABEIZY 6:24

Cha hnôhlâ ta Aramia bei Benhadâ ta a pheisaih zydua pakhy ta, Samâri khihpi dôh ta.

2 ABEIZY 7:5

Chatanachata Aramia mo riehmo lâ vaw awpa ta azo hrahri ta pua ei ta. Aramia mo riehmo tytuapa ama tlô nahta, ahy hmah vaw y leipa ei ta.

1 THÂTIHZYRONA 12:19

Sawla a dyuh awpa ta Philistinâ mo hnohta Dâvi a sie hra nota, Manase chi tawhta pheisaih thokhazy Dâvi lâ a vaw râ ei ta. Châhrasala Dâvi ta Philistinâ mo cha bao khao vei. Philistinâ ryureituhpazy ta reihpahmaoh ei ta, “A zibeipa Sawla chhâh a châpa ta, keimo luh tlao miah a la pathlei aw na,” tah ei ta, Dâvi cha ama pakuasa haw.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 8:14

Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.