2 ABEIZY 7:17 - Mara Bible RV (BSI)

¹⁷ Abei ta pheisaih hyutuhpa, a ku liata â pahniehpa cha thokhy chhikao vaituhpa ta tao ta. Zawpi ta ano cha thokhy chhikao kiapâh liata tlysao ei ta, Khazohpa chyhsa ta ano lâ abei â zu nota a reipa hawhta thi ha ta.

2 ABEIZY 7:17 ပူးပေါင်းရင်းမြစ်များ

2 ABEIZY 5:18

Cha kyh liata Abeipa ta châ chakaotuhpa he a ngiahthai mawh sy. Ei zibeipa Aramia bei ta a khazoh a chhy awpa ta Rimaw achhyna o lâ â ngiana maihta, ei zibeipa cha ei bâh a patupa ta ei chhihtha tyh awpa byuh ta, kei chhao Rimaw achhyna o liana cha ei bôh tyh awpa a byuh. Rimaw achhyna o liata ei bôh tita, cha kyh liata Abeipa ta châ chakaotuhpa he a ngiahthai mawh sy,” tah ta.

2 ABEIZY 6:32

Elaisâh cha a o liata a tyuh thlâh ha ta, machâzy a hnohta a tyuh ei ta. Abei ta a hmia lâta chyhsa pakha tuah ta. Châhrasala lyuhchâpa a kei tlô hlâta Elaisâh ta machâzy hnohta, “Lianycheituhpa ta ei luh la awpa ta chyhsa a vaw tuapa hao nama hmô ma? Lyuhchâpa a vaw tlôpa nahta ochhi khaw khâh u la, ochhi liata khâchâ pakhâ ha muh vy. A zibeipa phei pyu ta a vaw pazi pâ haw,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

2 ABEIZY 9:33

Zehu ta, “Kha chanô kha za thy pathla teh u,” tah ta. Za thy pathla ei ta. Pâhchhô nata arâzy liata a thi a pie ta, arâzy ta ama tlysao haw.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

RYUREITUHPAZY 20:43

Benzami mo cha dôh ei ta, a chadai ei ta, amâ pahâna su liata pha ei ta, nochhi lâta Kibia khih tlô chy taihta tlysao lymâ ei ta.