2 ABEIZY 6:32 - Mara Bible RV (BSI)

³² Elaisâh cha a o liata a tyuh thlâh ha ta, machâzy a hnohta a tyuh ei ta. Abei ta a hmia lâta chyhsa pakha tuah ta. Châhrasala lyuhchâpa a kei tlô hlâta Elaisâh ta machâzy hnohta, “Lianycheituhpa ta ei luh la awpa ta chyhsa a vaw tuapa hao nama hmô ma? Lyuhchâpa a vaw tlôpa nahta ochhi khaw khâh u la, ochhi liata khâchâ pakhâ ha muh vy. A zibeipa phei pyu ta a vaw pazi pâ haw,” tah ta.

2 ABEIZY 6:32 ပူးပေါင်းရင်းမြစ်များ

1 ABEIZY 14:6

Ochhi liata â vaw ngiapa a phei pyu a thei nahta, Ahiza ta, “Nâ, Zerôbaw lapinô y, a vaw ngia teh. Khazia chyhsa hropa hawhta nâ tao? Thâtih pha lei ngaitapa cha chho awpa ta tuapa ei châ.

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

1 ABEIZY 21:19

A hnohta, ‘Abeipa ta hetana heta a tah: “Thie chi ta, na hnei pâ ha aw ma?” a tah,’ tah ta. Chatawhcha a hnohta, ‘Abeipa ta hetana heta a tah: “Izy ta Nâbô thisaih ama paliena su liana tlai heta nâma thisai chhao izy ta ama palie aw,” a tah,’” tah ta.

2 ABEIZY 5:26

Elaisâh ta a hnohta, “Kha chyhsa ta châ tyh awpa ta a talailih tawhta â vaw lie nona kha, ei palôh na hnohta a vaw sie ha mâh tâh. He daihti he tâkâ zy, chysia zy, ôli sadô zy, kre sadô zy, mietaku zy, viahchao tôhpa zy, seichapawzy nata seichanôzy a hlâ nawpa daihti a châ ma?

2 ABEIZY 6:12

A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

2 ABEIZY 7:17

Abei ta pheisaih hyutuhpa, a ku liata â pahniehpa cha thokhy chhikao vaituhpa ta tao ta. Zawpi ta ano cha thokhy chhikao kiapâh liata tlysao ei ta, Khazohpa chyhsa ta ano lâ abei â zu nota a reipa hawhta thi ha ta.

ZEREMIAH 11:18

Abeipa ta na pahnosa ta ei pahno haw; Nâma tlai ta ama hmotaopazy eina pahmô ha chi.

ZEREMIAH 32:3

He hawhta hrohsona bie a phuahpa vâta Zudâh bei Zedekia ta a patâhpa a châ: “Abeipa ta hetana heta a tah: He khihpi he Babylaw bei ku liata hlâ aw na ta, ano ta a la aw.

EZEKIA 14:1

Chatawhcha Izarei machâ thokhazy kei lâ a vypa ta, ei hmiakô liata a vaw tyuh ei ta.

EZEKIA 20:1

Kô sarina, thla pangawhna, noh hrawhna noh liata, Abeipa a saohiah awpa ta Izarei machâ thokhazy a vy ei ta, ei hmiakô liata a tyuh ei ta.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

EZEKIA 8:1

Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.

LUKA 13:32

Zisu ta ama hnohta, “Cha changie hnohna chata hetana heta kei chho teh u, ‘Tanoh nata mylâ ahripazy papuapa ta patlâhna raizy hria aw na ta, a noh thôhna noh ta ei rai ei patlô aw.