2 ABEIZY 6:22 - Mara Bible RV (BSI)

²² Elaisâh ta, “Na thie awpa ei châ vei. Patu chiehpazy cha na zaozi nata na libaw zy ta na thie aw ei ma? Ama hmiakô liata viahchhâ nata ti tlao vaw soh teh. Niepa ta doh ei sala, ama zibeipa lâ a lie heih mawh ei sy,” tah ta.

2 ABEIZY 6:22 ပူးပေါင်းရင်းမြစ်များ

ÂTHAONA 48:22

Cha dei châ vei, nâ cha na unawhzy tovyuh hlâta tovyuh miakha ta hluh viapa ta cha pie na ta, ei zaozi nata ei libaw ta Amawri mo ku tawhta ei lapa râh cha nâ ei cha pie,” tah ta.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HLAZY 44:6

Ei libaw he ngâ leipa na ta, Ei zaozi ta na pachha thei hra vei.

ZAWSUA 24:12

Nama hmia lâta kheihpangiah tuah na ta, cha chata âmo cha nama hmiakô tawhta a chadai ta, Amawri bei pano â chadaipai ha ei. Nama zaozi ta tlyma, nama libaw ta tlyma nama pahniepa châ vei.