2 ABEIZY 6:12 - Mara Bible RV (BSI)

¹² A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

2 ABEIZY 6:12 ပူးပေါင်းရင်းမြစ်များ

2 ABEIZY 5:26

Elaisâh ta a hnohta, “Kha chyhsa ta châ tyh awpa ta a talailih tawhta â vaw lie nona kha, ei palôh na hnohta a vaw sie ha mâh tâh. He daihti he tâkâ zy, chysia zy, ôli sadô zy, kre sadô zy, mietaku zy, viahchao tôhpa zy, seichapawzy nata seichanôzy a hlâ nawpa daihti a châ ma?

2 ABEIZY 5:3

Noh kha cha a zibeinô hnohta, “Ei zibeipa he Samâri liata hrohsopa pangai sala ei tah kaw dia! A phawhpa he a vaw patlâh thlâh ha awpa tlai,” tah ta.

2 ABEIZY 5:8

Khazohpa chyhsa Elaisâh ta Izarei bei ta a chysia a hrie tahpa a thei nahta, abei lâ chyhsa tuah ta, a hnohta, “Khazia na chysia cha na hrie? Kei lâ a vy mawh sy. Chatanachata Izarei liata hrohsopa a y tahpa a pahno aw,” tah ta.

2 ABEIZY 6:11

Cha kyh liata Aramia bei cha a palôh nôpo kaw ta. A chakaotuhpazy aw ta, ama hnohta, “Eima hry liana heta ahy ma Izarei bei chhâh a châ tahpa na chho aw veih ei chi ma?” tah ta.

2 ABEIZY 6:13

Abei ta, “Khataih liata ma a y? Cha hrohsopa cha kei tlua teh u. Chyhsa tuah aw na ta ei patusa aw,” tah ta. “Dôthâ liata a y,” tahpa ta chho ei ta.

PUASAINA 8:3

Nile chavah cha uphawh ta bie aw ta, uphawhzy cha kaw pua aw ei ta, na o chhôh liata zy, nâ ziana chhôhpadâhpa liata zy, na rakhô chô liata zy, châ chakaotuhpazy nata na zawpi o chhôh liata zy, na lômathu nata na viahchhâ neihna beikoh chhôh liata zy amâ ngia khai aw.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIECHHOTUHPA 10:20

Abei cha chhiesapa leipa la, Na palôhrupa liata chhao chhiesapa leipa la, Na rakhô liata hneirôhpa chhiesapa hra khah y. Vâ pavawzy ta na ao a zawkhei aw ei ta, Mathlaw a hneipa hmohrohneipazy ta ama chho pathlei aw na.

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.