2 ABEIZY 5:8 - Mara Bible RV (BSI)

⁸ Khazohpa chyhsa Elaisâh ta Izarei bei ta a chysia a hrie tahpa a thei nahta, abei lâ chyhsa tuah ta, a hnohta, “Khazia na chysia cha na hrie? Kei lâ a vy mawh sy. Chatanachata Izarei liata hrohsopa a y tahpa a pahno aw,” tah ta.

2 ABEIZY 5:8 ပူးပေါင်းရင်းမြစ်များ

2 SAMUELA 3:31

Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.

1 ABEIZY 12:22

Châhrasala Khazohpa chyhsa Semiah hnohta Khazohpa bie vaw tlô ta,

1 ABEIZY 17:24

Chanô ta Elaizâh hnohta, “Tahmâ la Khazohpa chyhsa châ chi ta, na pakah liata Abeipa bie cha biehmeiseihpa a châ tahpa ei pahno haw,” tah ta.

2 ABEIZY 1:6

Âmo ta a hnohta, “Chyhsa pakha miah a vaw tyh ta, eima hnohta, ‘Sie u la, châ vaw tuahtuhpa abei lâ cha kua u la, a hnohta, Abeipa ta hetana heta a tah, Izarei râh liata Khazohpa a y khao leipa vâta ma Ekaraw khih khazoh Bâlâzebu cha a saohiah awpa ta na tuah ei? Rakhô na kiapa tawhta chô khao aw va chi, na thi thlyu aw,’ kei tah muh vy tahpa ta miah a chho,” tah ei ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

2 ABEIZY 5:3

Noh kha cha a zibeinô hnohta, “Ei zibeipa he Samâri liata hrohsopa pangai sala ei tah kaw dia! A phawhpa he a vaw patlâh thlâh ha awpa tlai,” tah ta.

2 ABEIZY 5:7

Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

2 ABEIZY 5:9

Nâmâ cha arâzy nata a talailihzy chhaota sie ta, Elaisâh o ochhi liata a kei duah ta.

PUASAINA 11:8

Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

EZEKIA 2:5

Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

HÔSIA 12:13

Hrohsopa hmâpa ta, Abeipa ta Izi tawhta Izarei a kaw chhi ta; Hrohsopa hmâpa ta, A hrôbieh lymâ.

RAWMA 11:13

Tahmâ nâmo, Zenitaizy hnohta ei reih. Zenitaizy lyuhchâpa ei châpa he, rônah ei tah ngaita.

1 SAMUELA 9:6

Châhrasala chakaotuhpa ta a hnohta, “Pachâ tua, he khih liana he Khazohpa chyhsa pakha y ta, chyhsa zachhih ngaitapa a châ, a reipa maih a tlô lymâ tyh. Cha lâ cha vawh tua ei si, eima sie nawpa lâpi miah a chho thei ngyu aw,” tah ta.