2 ABEIZY 5:7 - Mara Bible RV (BSI)

⁷ Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

2 ABEIZY 5:7 ပူးပေါင်းရင်းမြစ်များ

ÂTHAONA 30:2

Zakaw cha Râkheli chô liata a hiehâh kaw ta, “Kei he chhi thei châ pakhâpatuhpa Khazohpa duahmo liata a duahpa ma ei châ?” tah ta.

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

ÂTHAONA 50:19

Zawsi ta ama hnohta, “Chi khah u, kei he Khazohpa duahmo liata â duahpa ma ei châ?

2 SAMUELA 1:11

Dâvi cha a chysiazy hrie ta, a hnohta a ypa chyhsa zydua chhao ta ano taopa hawhta tao chyu hra ei ta.

1 ABEIZY 20:7

Izarei bei cha a râh liata machâ zydua aw ta, ama hnohta, “Ngia teh u, he chyhsa he hmo pha lei ngaitapa tao â chhuahpa a châ hih. Kei lâta lyuhchâpazy vaw tuah ta, ei lapinôzy, ei sawzy, ei tâkâzy, ei ngôhzy a vaw haw ta, ei paeipa chhao châ vei,” tah ta.

2 ABEIZY 11:14

Mohmia pasaih ta, abei cha taozietyhpa hawhta, otôh kiapâh liata a duah ta, pheisaih hyutuhpazy nata chiahmie tôtuhpazy cha abei kiapâh liata a duah ei ta, râh chyhsa zydua ta thapha ngaitapa ta y ei ta, chiahmiezy thata ama tôpa hmô ta. Athaliah cha a chysiazy hrie ta, “Râh apaphasaina, Râh apaphasaina!” tahpa ta awh ta.

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

2 ABEIZY 5:6

Châ cha Izarei bei hnohta pie ta, châ liata hetana heta ropa a châ: “He châ he na kô a vaw tlô tita, nâ chakaotuhpa Nâmâ he a phawhpa tawhta na vaw patlâh awpa ta nâ lâta ei vaw tuah tahpa vaw pahno mah y,” tahpa ta.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

MALUHREINA 14:6

Chatawhcha râh mohparutuhpazy hry liata a hlao hrapa Nunâ sawchapawpa Zawsua nata Zephune sawchapawpa Kâlebâ cha ama chysia hrie ei ta,

MATHAI 26:65

Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

LUKA 11:54

A rei chheipa tawhta patu a chhuahpa ta a byh thlâh ha ei ta.

HMOTAOPAZY 14:14

Cha thâtih cha lyuhchâpa Bânabâ nata Pawla ta ama thei nahta, ama chysiazy hrie ei ta, zawpi lâ a râpa ta, awh ei ta,

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

1 SAMUELA 2:6

Abeipa ta thie ta, A pahro heih tyh. Athihkhih lâ pangiasa ta, A pathyu heih tyh.