2 ABEIZY 5:25 - Mara Bible RV (BSI)

²⁵ Kehâzi cha a ngia ta, a zibeipa hmiakô liata a kei duah ta, Elaisâh ta a hnohta, “Kehâzi, khataih tawhta nâ vy?” tah ta. Ano ta, “Châ chakaotuhpa he khataih lâ hmah sie va na,” tah ta.

2 ABEIZY 5:25 ပူးပေါင်းရင်းမြစ်များ

ÂTHAONA 16:8

A hnohta, “Hâkarâ, Sârai seichanônô, khataih tawhta nâ vy, khataih lâ na sie aw?” tah ta. Ano ta, “Ei zibeinô Sârai tawhta ei râ,” tah ta.

ÂTHAONA 4:9

Chatawhcha Abeipa ta Kainâ hnohta, “Na unawhpa Abela kha zaw?” tah ta. Kainâ ta, “Pahno va na. Ei unawhpa vaituhpa ma ei châ?” tah ta.

2 ABEIZY 20:14

Chatawhcha hrohsopa Isai cha Bei Hezekia lâ vawh ta, a hnohta, “Kha chyhsazy kha khâpa bie ma ama reih? Khataih tawhta nâ lâ a vypa ma ama châ?” tah ta. Hezekia ta, “Râh hla ngaitapa, Babylaw tawhta a vypa ama châ,” tah ta.

2 ABEIZY 5:22

Kehâzi ta, “A pha khai na. Ei zibeipa ta, ‘Epharai tlâh râh tawhta hrohsopa sahlao sawchapawzy hry liatapa satlia pano ta na vaw tly ei ta, âmo cha tâkâ talent miakha nata chysia a patly awpa zo no bâh vaw pie mah y,’ tahpa ta cha pachhosa awpa ta eina vaw tuah,” tah ta.

2 THÂTIHZYRONA 26:19

Uzia cha a hiehâh kaw ta. Ropahâhpa raona mei lana cha a chaba thlâh ha ta. Theihthaipazy chô liata a hie a hâh ngaita nota, Abeipa o liata ropahâhpa raona kiapâh liata theihthaipazy mohmô ta a khi liata vaw phawh ta.

BIESOZY 30:20

He he apheinô hro cha a châ: A nie khai tawhta a hmao a hru ta, “Moleina hmo khâpa hmah tao va na,” a tah tyh.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MATHAI 26:21

Ama nie hai nota ama hnohta, “Hmeiseihta ta ei cha chho ei, nama hry liata pakha ta eina patusa aw,” tah ta.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

1 SAMUELA 10:14

Sawla puhpa ta Sawla nata a chakaotuhpa hnohta, “Khataih lâ nama sie?” tah ta. Sawla ta, “Alâzy tlua pi ta, eima hmô leipa vâta Samuela lâ eima pangai,” tah ta.