2 ABEIZY 5:20 - Mara Bible RV (BSI)

²⁰ Khazohpa chyhsa Elaisâh chakaotuhpa Kehâzi ta, “Moh tua u, ei zibeipa ta Aramia chyhsa Nâmâ kha ngiachhie ta, hmo a vaw phaopazy a ku tawhta la leipa ta, a pasiesa haw. Abeipa hrona reipa ta ei reih, a kei chadai aw na ta, khâpa chhâ ma ei kei la tua aw,” tah ta.

2 ABEIZY 5:20 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

2 ABEIZY 13:19

Khazohpa chyhsa cha a chô liata a pathi ia ta, a hnohta, “Ei pangawh ei charu chhâ nâ chô awpa mâh a châ tâh. Cha hawhta na tao khiahta cha, Aramia mo cha ama chhâna taihta na thie ha awpa ei châ ta, tahmâ deikua cha Aramia mo cha ei thôh deita na pahnie aw,” tah ta.

2 ABEIZY 4:12

Ano chakaotuhpa Kehâzi hnohta, “Sunâ chanô kha kei aw tua,” tah ta. Sunâ chanô cha kei aw ta, a hmiakô liata a vaw duah ta.

2 ABEIZY 4:25

Chatanachata sie ta, Khazohpa chyhsa yna Kâmel Tlâh cha kei tlô ta. Chanô â vy haipa cha Khazohpa chyhsa ta lâhlapi tawhta vaw hmô ta, a chakaotuhpa Kehâzi hnohta, “Moh tua, Sunâ chanô kha a châ huh.

2 ABEIZY 4:31

Kehâzi cha hmialâ ta sie ta, chôchahrei cha hawtipa hmia liata pahnieh ta, châhrasala a ao thei awpa y leipa ta, ano liata hrona rai y vei. Chavâta Elaisâh chho awpa ta vaw kua ta, a hnohta, “Hawtipa a thei khao vei,” tah ta.

2 ABEIZY 4:36

Elaisâh ta Kehâzi aw ta, a hnohta, “Sunâ chanô kha kei aw teh,” tah ta. Kei aw ta, ano lâ â kei ngia nahta, Elaisâh ta, “Na sawchapawpa he a pyh teh,” tah ta.

2 ABEIZY 5:16

Châhrasala Elaisâh ta, “Ei chakao tyhpa Abeipa hrona reipa ta ei reih, khâpa hmah la aw va na,” tah ta. La awpa ta reipasao chaimâh ta, châhrasala la khoh leipa ta.

2 ABEIZY 5:21

Chatanachata Kehâzi ta Nâmâ cha a kei chadai ta. Nâmâ cha chyhsa pakha ta â vaw chadaipa a hmô nahta, ano a tyh awpa ta talailih tawhta chô ta, a hnohta, “Ato a pha khai ma?” tah ta.

2 ABEIZY 6:31

Abei ta, “Saphâta sawchapawpa Elaisâh cha, tanoh a ngiatlâh liata a luh â bô thlâh ha chy khiahta cha, Khazohpa ta ei chô liata tao sala, cha hlâta tha viapa chhao ta tao mawh sy,” tah ta.

2 ABEIZY 8:4

Abei cha Khazohpa chyhsa chakaotuhpa Kehâzi hnohta, “Elaisâh ta hmo rônahpa a taopa zydua na chho tua,” tahpa ta a vaw chho hai no châ ta.

2 ABEIZY 8:7

Elaisâh cha Dâmaskâ lâ sie ta. Aramia bei Benhadâ cha vaw pasa ha ta. “Khazohpa chyhsa a vaw tlô” tahpa chho ei ta.

HLAZY 10:3

Moleipa cha a palôh khopa a palaikhei ta, Athôhna khohlei khohpa chyhsa ta Abeipa cha chhiesapa ta â heihsai tyh.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

BIESOZY 26:16

Hmo a laichadai thaipa pasari hlâ chhao ta, Thathipa cha ano mo liata â pasosa via tyh.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

MATHAI 10:4

Zilô py liatapa Saimaw nata a patusatuhpa Zudâh Iskari zy ama châ.

MATHAI 26:9

He sathaw he a mâ hluhpi ta zuapa ta, dyhchhiepazy piepa châ sala a phahnai via awpa tlai,” tah ei ta.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

HMOTAOPAZY 5:2

A lapinô pahnopa ta râh zuana ty cha phih bâ ha ta, a laibâhpa vaw cheih ta, lyuhchâpazy phei thaby liata vaw soh ta.

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 SAMUELA 14:39

Izarei pachhatuhpa Abeipa hrona reipa ta ei reih, ei sawchapawpa Zawnathâ chô liata a tlupa chhao rai châ sala, a thi thlyu awpa a châ,” tah ta. Châhrasala a bie â chhy ngâhpa pheisaih zydua hry tawhta pakha hmahta y leipa ei ta.