2 ABEIZY 5:18 - Mara Bible RV (BSI)

¹⁸ Cha kyh liata Abeipa ta châ chakaotuhpa he a ngiahthai mawh sy. Ei zibeipa Aramia bei ta a khazoh a chhy awpa ta Rimaw achhyna o lâ â ngiana maihta, ei zibeipa cha ei bâh a patupa ta ei chhihtha tyh awpa byuh ta, kei chhao Rimaw achhyna o liana cha ei bôh tyh awpa a byuh. Rimaw achhyna o liata ei bôh tita, cha kyh liata Abeipa ta châ chakaotuhpa he a ngiahthai mawh sy,” tah ta.

2 ABEIZY 5:18 ပူးပေါင်းရင်းမြစ်များ

1 ABEIZY 19:18

Châhrasala Izarei râh liana heta Bâlâ hmiakô liata pakhu paneih beih leipa nata Bâlâ a pahnâ beih leipa chyhsa sâh sari kei châta ei pahlôh aw,” tah ta.

2 ABEIZY 17:35

Abeipa ta ama hnohta biehrai tao ta, “Khazoh hropazy nama chi awpa châ leipa ta, ama hmiakô liata namâ bôh awpa châ leipa ta, nama chakao awpa châ leipa ta, âmo lâ atheihna nama hlâ awpa châ vei,

2 ABEIZY 7:17

Abei ta pheisaih hyutuhpa, a ku liata â pahniehpa cha thokhy chhikao vaituhpa ta tao ta. Zawpi ta ano cha thokhy chhikao kiapâh liata tlysao ei ta, Khazohpa chyhsa ta ano lâ abei â zu nota a reipa hawhta thi ha ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

ZEREMIAH 50:20

Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

MALUHREINA 21:15

A saikao pâdawhzy ta Ari su tlô ta, Môabâ râhri taih a kawh,” tahpa ta reipa a châ.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.