2 ABEIZY 5:13 - Mara Bible RV (BSI)

¹³ A chakaotuhpazy ta a kei hnia ei ta, a hnohta, “Ei pâ y, hrohsopa ta hmo laipa cha pataosa sala, tao aw va chi ma? ‘Ti liata a kei ny teh, na pathaih ha aw,’ a cha tahpa cha hmo rairupa chhao châ va,” tah ei ta.

2 ABEIZY 5:13 ပူးပေါင်းရင်းမြစ်များ

ÂTHAONA 41:43

A talailih mianona liata pakiasa ta, a hmia lâta, “Pakhu paneih teh u” tahpa ta awh lymâ ei ta. Cha hawhna chata Phiraoh ta Zawsi cha Izi râh zydua chô liata biehneituhpa ta a tao haw.

1 ABEIZY 20:23

Aramia bei chakaotuhpazy ta a hnohta, “Ama khazohzy he tlâh khazohzy châ ei ta, chavâta keimo hlâta ama tha a tlô viapa a châ. Bypi liata a dyuh ei sih la, âmo hlâta eima tha a tlô via cheingei aw.

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

2 ABEIZY 13:14

Elaisâh cha thikhei awpa pasana hri ta pasa ta. Izarei bei Zôasâ cha ano lâ zu ta, chakhei ta, “Ei pâ, Hy ei pâ! Izarei talailihzy nata ama arâ pheisaihzy ta a ypa y!” tah ta.

2 ABEIZY 2:12

Cha cha Elaisâh ta hmô ta, “Ei pâ, Hy ei pâ, Izarei talailihzy nata ama arâ pheisaihzy ta a ypa y,” tah ta. Cha khai tawhta cha, Elaisâh ta Elaizâh cha hmô khao vei. Chatawhcha Elaisâh cha a chysiazy la ta, hlai no ta hrie ta.

2 ABEIZY 5:10

Elaisâh ta ano lâ lyuhchâpa tuah ta, a hnohta, “Vawh la, Zawdâh chavah liata ei sari a kei ny la, na sapa ualuapa ta y heih aw ta, na vaw pathaih ha aw,” tah ta.

2 ABEIZY 5:3

Noh kha cha a zibeinô hnohta, “Ei zibeipa he Samâri liata hrohsopa pangai sala ei tah kaw dia! A phawhpa he a vaw patlâh thlâh ha awpa tlai,” tah ta.

2 ABEIZY 6:21

Izarei bei ta âmo cha a hmôpa nahta, Elaisâh hnohta, “Ei pâ, ei thie aw ei ma? Ei thie aw ei ma?” tah ta.

2 ABEIZY 8:9

Hâze cha Khazohpa chyhsa a hmô awpa ta sie ta. Kuhria châta Dâmaskâ liata hmo phapa to, râraoseihpa sypalih phao tlai phaopa ta. A tlô nahta, a hmiakô liata a kei duah ta, a hnohta, “Na sawchapawpa Aramia bei Benhadâ ta, ‘He pasana tawh heta ei tlâh thei aw ma,’ tahpa ta cha hiahri awpa ta nâ lâta eina vaw tuah,” tah ta.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MATHAI 23:9

Alei chô liana heta ahy hmah nama paw ta aw hra khah u. Paw cha vârâh liata a ypa pakha deita nama hnei.

ZAWHÂNA 13:8

Pity ta a hnohta, “Ei phei pasi beih aw va chi,” tah ta. Zisu ta a chhy ta, “Ei cha pasi vei khiahta la, kei liata tovyuh hnei va chi,” tah ta.

ZAWHÂNA 9:7

a hnohta, “Vawh la, Silôam tipo liata a kei pasi teh,” tah ta. Silôam cha “Tuah” tahna a châ. Chatanachata vawh ta, a kei pasi ta, mo pavâpa ta vaw kua ha ta.

HMOTAOPAZY 22:16

Khâpa na hâ khao? Tahmâ thyu la, a moh padopa ta bâti châ la, na moleinazy pasi teh,’ na tah ta.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 28:23

Châhrasala khoh leipa ta, “Nie aw va na,” tah ta. Châhrasala chanô nata ano Sawla chakaotuhpazy ta amâ haw ngâ kawpa vâta, ama biezy cha a pyh ta. Alei tawhta thyu ta, rakhô liata a tyuh ta.

1 SAMUELA 9:10

Sawla ta a chakaotuhpa hnohta, “Na reipa cha a pha na, a vy teh, vawh ei suh u,” tah ta. Chatanachata Khazohpa chyhsa yna khihpi lâ cha sie ei ta.