2 ABEIZY 4:42 - Mara Bible RV (BSI)

⁴² Bâlâsalisâ tawhta chyhsa pakha vaw tlô ta, Khazohpa chyhsa châta sâh thiehpa ta taopa bâli viahchhâ tlâ kih nata sâh thiehpa suhzy sykhao ta vaw phaoh ta. Elaisâh ta, “Hrohsopazy nie awpa ta kei pie teh u,” tah ta.

2 ABEIZY 4:42 ပူးပေါင်းရင်းမြစ်များ

1 ABEIZY 14:3

Viahchhâ tlâ hrawh, viahchhâ pahupazy nata kheihti ôh kha phaoh la, ano lâ vawh teh. Hawti chô liata hmo a tlô awpa a cha chho aw,” tah ta.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

2 ABEIZY 5:5

Aramia bei ta, “Sie mah y, thlai sie mah y. Izarei bei lâta châ ei paphao aw,” tah ta. Nâmâ cha sie ta, tâkâ talent miahrawh nata ngôh sekel sâh charu nata chysia a patly awpa zo hrawh phaoh ta.

2 ABEIZY 7:1

Elaisâh ta, “Abeipa bie he thei teh u. Abeipa ta hetana heta a tah: Mylâ tahmâ ti heta Samâri thokhy chhikao liata viahdie dipa saikhua hmo kha cha sekel miakha ta zuah aw ei ta, bâli sâh saikhua hmo no cha sekel miakha ta ama zuah aw,” tah ta.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

MALUHREINA 18:12

Abeipa lâta ama hlâpa sathaw pha chaipa, kresawhti pha chaipa, sâh pha chaipa nata thei hmiatua chaipazy ei cha pie.

MALUHREINA 18:13

Ama râh liata a ypa zydua hry liata theilâpa a hmoh tua chaipa, Abeipa châta ama vaw cheipa cha, nâ eih châ aw ta, na o liata chyhsa pathaihpa zydua ta ama nie thei aw.

ZAWHÂNA 6:13

Nie laibâhpazy cha a huah ei ta, bâli viahchhâ tlâ pangawh a niepazy nie laibâhpa zôhpazy cha, hrâbyh byh hrawh hleino tlai a huah ei ta.

ZAWHÂNA 6:9

“Bâli viahchhâ tlâ pangawh nata ngasa miano a hneipa chapaw hawti pakha he liata y ta, châhrasala he zie zydua hry liata, chazy cha khâpa didâh châ aw vei,” tah ta.

1 KAWRINI 9:11

Thlahpa lâ chizy nama hry liata eima tu ha khiahta cha, sapa lâ theizy nâmo tawhta hria awpa cha, eimâ phuh leipa a châ hlei rai ma?

KALATIA 6:6

Bie pachuna a daopa cha, hmo pha to a hmôpa tawhta a pachutuhpa pie hra mawh sy.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

RYHPACHANEINA 8:8

Cha râh cha âtâ nata bâli, kre zôh nata theiku kô, pawmikarânâ nata ôli kôzy nata kheihti yna râh a châ.

1 SAMUELA 9:4

Epharai tlâh râh chahryh ta, Salisâ râh chhao chahryh ta, châhrasala hmô leipa ei ta. Sâli râh chahryh heih ei ta, cha liana chhao cha y leipa ei ta. Chatawhcha Benzami râh chahryh heih ei ta, châhrasala hmô hlei leipa ei ta.

1 SAMUELA 9:7

Sawla ta a chakaotuhpa hnohta, “Vawh ei sih la, cha chyhsa châta khâpa ma eima cheipa aw? Eima sahriazy liata viahchhâ hra cha y khao tlôh va, Khazohpa chyhsa châta kuhria eima cheipa awpa y vei. Eima hneipa a y rai ma?” tah ta.