2 ABEIZY 4:41 - Mara Bible RV (BSI)

⁴¹ Elaisâh ta, “Viahdie vaw cheih teh u,” tah ta. Viahdie cha beih liata thla ta, “Hrohsopazy nie awpa ta vaw sipa teh u,” tah ta. Chatawhcha chichhihpa khâpa hmah beih chhôh liata y khao vei.

2 ABEIZY 4:41 ပူးပေါင်းရင်းမြစ်များ

2 ABEIZY 2:21

Tihnawh lâ vawh ta, alôh mia ta, “Abeipa ta hetana heta a tah: He ti he ei pathaisa haw. Tahmâ tawhta cha thina tlyma, nawh raona tlyma, ti tawhna heta y khao aw vei,” tah ta.

2 ABEIZY 5:10

Elaisâh ta ano lâ lyuhchâpa tuah ta, a hnohta, “Vawh la, Zawdâh chavah liata ei sari a kei ny la, na sapa ualuapa ta y heih aw ta, na vaw pathaih ha aw,” tah ta.

2 ABEIZY 6:6

Khazohpa chyhsa ta, “Khataih liata a tla?” tah ta. A tlana su pahmô ta, Elaisâh ta thody chhawh ta, cha liata za thy ta, thua cha a kaw pho ha ta.

PUASAINA 15:25

Mawsi ta Abeipa awsao ta, Abeipa ta tho miakha vaw pahmô ta, cha cha ti liata za thy ta, chatanachata ti cha vaw pahâh ha ta. Cha liata Abeipa ta âmo châta bieraopa nata biepiepa taopa ta, cha liata âmo cha pasia ta,

ZAWHÂNA 9:6

Cha biezy a rei khai nahta, alei liata a pachih pachhao ta, a pachih chata beihlei tao ta, beihlei cha a mo liata bai ta,

HMOTAOPAZY 28:5

Châhrasala parih cha mei liata chatho pathlah ta, kheihta hmah y leipa ta.

1 KAWRINI 1:25

Khazohpa hruna cha chyhsapa sona hlâta so via ta, Khazohpa chiehleina cha chyhsapa thatlôna hlâta a thatlô via.