2 ABEIZY 4:27 - Mara Bible RV (BSI)

²⁷ Khazohpa chyhsa yna tlâh a tlô nahta, a phei patu ta. Kehâzi a vy ta, chanô cha parai awpa a chhuah ta. Châhrasala Khazohpa chyhsa ta, “Kheihta hmah tah khah y, a nô a po ngaita hih. Abeipa ta kei tawhta nyu chy ta, na chho mâh vei,” tah ta.

2 ABEIZY 4:27 ပူးပေါင်းရင်းမြစ်များ

ÂTHAONA 18:17

Abeipa ta, “Ei hmo tao awpa he Abarahâ liata ei phih aw ma?

2 SAMUELA 7:3

Nâthâ ta abei hnohta, “Sie la, na palôh liata a ypa zydua tao mah y, Abeipa na hnohta a y mâh tâh,” tah ta.

2 ABEIZY 4:25

Chatanachata sie ta, Khazohpa chyhsa yna Kâmel Tlâh cha kei tlô ta. Chanô â vy haipa cha Khazohpa chyhsa ta lâhlapi tawhta vaw hmô ta, a chakaotuhpa Kehâzi hnohta, “Moh tua, Sunâ chanô kha a châ huh.

2 ABEIZY 4:26

Ano dy awpa ta a kei râ la, a hnohta, ‘Na tlâh ma? Na vahpa a tlâh ma? Hawtipa a tlâh ma?’ kei tah teh,” tah ta. Chanô ta a vaw chhy ta, “Ama tlâh khai,” tah ta.

2 ABEIZY 6:12

A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

BIESOZY 14:10

Palôh cha ano ngâlâh ta a pasana pahno ta, Â lyna liata chhao khôtho chyhsa a lykheipa y veih ei.

BIESOZY 18:14

Palôh thatlôpa cha pasana tao thei ta, Palôh hmahphaopa deikua cha ahy ma a tao thei aw?

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

MATHAI 15:23

Châhrasala Zisu ta kawh kha hmahta a chhy leipa ta. A pachupazy a vy ei ta a hnohta, “Pasiesa ha mah y, miah a awsao laih ngâ thlâh haw,” tahpa ta a haw ei ta.

MATHAI 20:31

Zawpi ta âmo cha ra ei ta, a chalih awpa ta chho ei ta. Châhrasala, “Abeipa, miah ngiachhie mah y, Hy Dâvi Sawchapawpa!” tahpa ta thata awh via rili ei ta.

MATHAI 28:9

Zisu ta âmo cha a vaw tyh ta, “Thlalôhna nama hnohta y mawh sy?” tah ta. A pachupazy cha a vy ei ta, a phei patu ei ta, Zisu cha a naoh ei ta.

MÂKA 10:13

A hria awpa ta hawtizy ano lâ a vaw chhi ei ta, pachupazy ta âmo cha ra ei ta.

MÂKA 14:6

Zisu ta, “Chanô he kheihta hmah tah khuh vy. Khazia nama patypamâ? Ei chô liata hmo phapa a taopa a châ hih.

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

ZAWHÂNA 4:27

Cha nona chata a pachupazy vaw tlô ei ta. Chanô bie â chhopa cha ama noâh kaw ta, châhrasala ahy hmahta, “Khâpa na khoh?” tahpa tlyma, “Khazia chanô kha bie nâ chho?” tahpa tlyma, a hiahripa y veih ei.

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.