2 ABEIZY 4:26 - Mara Bible RV (BSI)

²⁶ Ano dy awpa ta a kei râ la, a hnohta, ‘Na tlâh ma? Na vahpa a tlâh ma? Hawtipa a tlâh ma?’ kei tah teh,” tah ta. Chanô ta a vaw chhy ta, “Ama tlâh khai,” tah ta.

2 ABEIZY 4:26 ပူးပေါင်းရင်းမြစ်များ

ÂTHAONA 29:6

Zakaw ta ama hnohta, “A tlâh no a châ ma?” tah ta. Âmo ta, “A tlâh no na a châ. Moh tua, a sawchanô Râkheli chhao mietakuzy chhaota â vy ngâ kaw huh,” tah ei ta.

ÂTHAONA 37:14

Izarei ta a hnohta, “Tahmâ he sie la, na unawhzy a phapa ta ama y ma, sahrohzy ama pha ma tahpa kei moh la, na vaw chho heih mah y,” tah ta. Izarei ta Zawsi cha Hebraw saikao tawhta pasiesa ta, Sekhe cha kei tlô ta.

ÂTHAONA 43:27

Zawsi ta ama thâtih hiahri ta, “Nama paw a thâtih nama reipa pawpipa kha a tlâh no a châ ma? A hroh thlâh chy ma?” tah ta.

2 SAMUELA 18:29

Abei ta, “Thyutliapa Absalaw zaw a pha ma?” tah ta. Ahimazi ta a chhy ta, “Zôabâ ta abei chakaotuhpa, nâma châ chakaotuhpa kei he eina vaw tua nota, amâ tymâ ngaitapa hmô na ta, châhrasala khâpa hmo ma tahpa deikua la pahno va na,” tah ta.

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

2 ABEIZY 4:25

Chatanachata sie ta, Khazohpa chyhsa yna Kâmel Tlâh cha kei tlô ta. Chanô â vy haipa cha Khazohpa chyhsa ta lâhlapi tawhta vaw hmô ta, a chakaotuhpa Kehâzi hnohta, “Moh tua, Sunâ chanô kha a châ huh.

2 ABEIZY 4:27

Khazohpa chyhsa yna tlâh a tlô nahta, a phei patu ta. Kehâzi a vy ta, chanô cha parai awpa a chhuah ta. Châhrasala Khazohpa chyhsa ta, “Kheihta hmah tah khah y, a nô a po ngaita hih. Abeipa ta kei tawhta nyu chy ta, na chho mâh vei,” tah ta.

2 ABEIZY 5:22

Kehâzi ta, “A pha khai na. Ei zibeipa ta, ‘Epharai tlâh râh tawhta hrohsopa sahlao sawchapawzy hry liatapa satlia pano ta na vaw tly ei ta, âmo cha tâkâ talent miakha nata chysia a patly awpa zo no bâh vaw pie mah y,’ tahpa ta cha pachhosa awpa ta eina vaw tuah,” tah ta.

HLAZY 39:9

Nâma hmotaopa a châpa vâta, Reih pathlie leipa ta y na ta, Pakah â leipa ta ei chalih.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

ZEKARIA 2:4

a hnohta, “A râ la, kha thyutliapa hnohta, ‘Zerusale cha a chhôh liata a pahrâpa chyhsa nata sahrohzy ama hluh ngaita awpa vâta, thokhy ta dôh byuh leipa khihpi châ aw ta,

HMOTAOPAZY 15:36

Noh khazie tlyma a khô tawhta, Pawla ta Bânabâ hnohta, “Sie heih sih la, Abeipa bie eima chhona khi to liata unawhzy kei tly laih sih la, khâpa ma ama lyu tahpa kei moh laih ei suh u,” tah ta.

1 SAMUELA 17:18

Sâhpiti kuapa tlo hrawh he, ama py liata pheisaih sâh kha hyutuhpa na phaopa aw. Na uhtazy cha ama pha ma tahpa kei hiahri la, ama thâtih na vaw tlôkhei aw,” tah ta.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.