2 ABEIZY 4:20 - Mara Bible RV (BSI)

²⁰ Chakaotuhpa ta hawti cha chalo ta, a nô lâ vawkhei ta, hawti cha a nô byh chô liata nohchhô taih a tyuh ta, chatawhcha thi ha ta.

2 ABEIZY 4:20 ပူးပေါင်းရင်းမြစ်များ

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

ÂTHAONA 37:3

Izarei ta Zawsi cha a pawpi tawhta a sapa a sawchapaw a châpa vâta, a sawchapaw hropa zydua hlâta a kyh pachâ via ta, viahkao pasipa cheichapaipa taopa ta.

ÂTHAONA 37:5

Zâ kha cha Zawsi ta mâ sa ta, cha cha a unawhzy a chho nahta, ano cha a hao via rili ei ta.

1 ABEIZY 17:17

Cha hnôhlâ ta o hneituhnô sawchapawpa cha tlâh leipa ta vaw y ta. A pasapa a paru ngaitapa vâta a hu chhâ ha ta.

2 ABEIZY 4:19

A paw hnohta, “Ei luh, ei luh!” tah ta. A paw ta a chakaotuhpa hnohta, “Pi la, a nô lâ vawkhei teh,” tah ta.

2 ABEIZY 4:21

Chanô cha khy ta, hawti cha Khazohpa chyhsa rakhô liata pazia ta, ochhi khawhlôh ta, pua ta.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ISAI 66:13

A nô ta thlah a palôhpa saw hawhta, Thlah cha palôh aw ei na ta, Zerusale liata thlah ei cha palôh aw ei.

LUKA 2:35

Zaozi ta na palôh chhôpahlie aw ta, chyhsa hluhpi palôh liata pachânazy palâhâhpa a châ aw,” tah ta.

LUKA 7:12

Khih hawka â kei hnia nahta, athihpa amâ vaw sypa hmô ta. Cha chyhsa cha nôhmei sawchapaw matlupa a châ. Khihsaw hluhpi a hnohta a vy hra ei ta.

ZAWHÂNA 11:14

Zisu ta âmo cha a siapa ta chho ta, “Lâzarâh cha a thi haw.

ZAWHÂNA 11:3

A sietanôzy ta Zisu hnohta, “Abeipa, na kyhpachâpa kha tlâh vei,” tahpa ta chyhsa Zisu lâ tuah ei ta.

ZAWHÂNA 11:5

Zisu ta Marthâ nata a narônô nata Lâzarâh zy cha kyhpachâ kaw ta.