2 ABEIZY 4:14 - Mara Bible RV (BSI)

¹⁴ Elaisâh ta, “Cha hawhpa khiah ano châta khâpa taopa awpa ma a châ aw?” tah ta. Kehâzi ta a chhy ta, “A châ na, he chanô he sawchapaw hnei leipa ta, a vahpa hra cha pawpi ha ta,” tah ta.

2 ABEIZY 4:14 ပူးပေါင်းရင်းမြစ်များ

ÂTHAONA 17:17

Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta.

ÂTHAONA 25:21

A lapinô a choh hapa vâta Aisika ta Abeipa lâta thlahchhâ ta, Abeipa ta a hiana cha chyh-ei ta, a lapinô Rebekâ cha saw phaoh ta.

ÂTHAONA 30:1

Râkheli ta Zakaw châta saw a sapa leipa â pahno nahta, a narônô cha uahva kaw ta. Zakaw hnohta, “Saw na pie teh, chataleipatala ei thi aw,” tah ta.

2 ABEIZY 4:13

Elaisâh ta a chakaotuhpa hnohta, “Sunâ chanô kha chho la a hnohta, ‘Pachâ teh, miah pasô ngaita chi ta, khâpa ei cha taopa hra aw? Abei tlyma, pheisaih hyutuhpa tlyma, ei cha chhopa awpa na khoh ma?’ tah mah y,” tah ta. Sunâ chanô ta a chhy ta, “Ei chiheihzy hry liata pahrâ na ta, a ngiahpa hnei va na,” tah ta.

2 ABEIZY 4:15

Elaisâh ta, “Kei aw tua,” tah ta. A kei aw nahta, chhikao liata a vaw duah ta.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

RYUREITUHPAZY 13:2

Zôrâh khih liata Dânâ chi chyhsa pakha, a moh Manôah ama tahpa y ta. A lapinô cha choh ha ta, saw rai phaoh thei leipa ta.

1 SAMUELA 1:2

Elkânâ cha lapinô pano hnei ta, pakha cha Hânâ châ ta, ahropa moh cha Peninâ a châ. Peninâ cha sawzy hnei ta, Hânâ deikua cha saw hnei leipa ta.

1 SAMUELA 1:8

A vahpa Elkânâ ta a hnohta, “Hânâ, khazia na cha? Khazia pati na nie vei? Khazia na palôh a pasa? Sawchapaw pahrawh hlâta na châta pha via va na mâ?” tah ta.