2 ABEIZY 4:1 - Mara Bible RV (BSI)

¹ Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

2 ABEIZY 4:1 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

1 ABEIZY 18:3

Ahabâ ta abei o liata hriatuhpazy hyutuhpa Ôbadia cha aw ta. Ôbadia cha Abeipa a chi kawpa chyhsa a châ.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

2 ABEIZY 2:3

Bethel liata a ypa hrohsopa sahlao sawchapawzy Elaisâh lâ a vy ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:5

Zerikô liata a ypa hrohsopa sahlao sawchapawzy ta Elaisâh a kei hnia ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:7

Hrohsopa sahlao sawchapaw­zy hry tawhta sypangawh vawh ei ta, âmo dady liata â hlapi ta a kei duah ei ta. Âmo pano deikua cha Zawdâh chavah kiah liata a duah ei ta.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

2 ABEIZY 6:9

Khazohpa chyhsa ta Izarei bei lâ bieta ta, a hnohta, “Cha su cha chapia khuh vy, Aramia mo ta cha lâ cha ama zu hai,” tah ta.

NEHEMIAH 10:31

He râh liata a pahrâ phopi hropazy ta Pahânoh ta hmobaoh nata sâh zy vaw phaoh ei sala, ama zuah khiahta cha, Pahânoh liata tlyma, noh pathaihpa noh liata tlyma cha, âmo tawhta chalei aw ma pi. Kô sarina liata cha, lyu liata chi cheih leipa aw pi ta, leih miah a bâhpazy eimâ ngiahthai khai aw.

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

HLAZY 103:11

Alei tawhta avâ â sâhpa tlu khi ta, Ano a chituhpazy chô liata a kyhpachâna a rônah ngaita.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 115:13

Abeipa a chituhpazy cha, A lai a chyh ta byhnâ a pie aw ei.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

BIESOZY 22:7

Hneirôhpa cha dyhchhiepa chô liata ryureih ta, Dyucheituhpa cha a pacheisatuhpa sei a châ.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

THEIHTHAINA 25:48

zuapa a châ khai tawh chhao ta chatlai heih theipa a châ aw. A unawhzy hry liatapa ta a chatlai aw.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 18:25

Pie awpa a hnei leipa vâta, ano nata a lapinô nata a sawzy zuah sala, a leibâh cha thô awpa ta a zibeipa ta biepie ta.

MATHAI 18:30

Châhrasala khoh leipa ta, a leibâh a pie khai hlâlei patâhna o liata khô ta.

MATHAI 18:35

Palôh hmeiseihpa ta nama unawhzy namâ ngiahthai vei khiahta cha, ei Paw vârâh liatapa ta, cha hawhna chata nama zydua chô liata a tao aw,” tah ta.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 19:5

Chatawhcha beidyuchhai tawhta ao vaw pua ta, “Nâmo, Khazohpa chakaotuhpa zydua, Nâmo, ano a chituhpazy, Molaipa nata mochyhpazy saih u, Eima Khazohpa cha reithai teh u,” vaw tah ta.

RUTHI 1:3

Naomi vahpa Elimele cha thi ta, chavâta Naomi cha ano nata a sawchapaw panozy deita ta y ei ta.

1 SAMUELA 22:2

Nôpona a hneipa, leibâh a hneipa nata palôh pasana a hneipa maihta ano liata a hmaohpakhy ei ta, ama hyutuhpa ta y ta. A hnohta chyhsa 400 tlai ama y.