2 ABEIZY 3:3 - Mara Bible RV (BSI)

³ Châhrasala Izarei a pamoleisapa Nebâ sawchapawpa Zerôbaw moleinazy liata khâchâ a bai ta, siesai khoh vei.

2 ABEIZY 3:3 ပူးပေါင်းရင်းမြစ်များ

1 ABEIZY 13:33

Cha hmo a vaw tlô khai tawh chhao ta, Zerôbaw cha a yzie doleipa pathleih hlei leipa ta, Izarei chi to hry tawhta chyhsazy cha su sâhpa theihthaipazy châta tao lymâ ta, theihthaipa a châ khohpa maih su sâhpa theihthaipazy châta a rao lymâ ei.

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

1 ABEIZY 15:26

Abeipa mohmô ta hmo pha lei ngaitapa tao ta, a paw lâpi a chhihpa kha a chhih hrapa ta, Izarei a pamoleisapa moleina lâpi kha a chhih ta.

1 ABEIZY 15:34

Abeipa mohmô ta hmo pha lei ngaitapa tao ta, Zerôbaw lâpi a chhihpa kha a chhih hrapa ta, Izarei a pamoleisapa moleina lâpi kha a chhih ta.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

2 ABEIZY 13:11

Ano chhao cha Abeipa mohmô liata hmo pha lei ngaitapa tao ta, Izarei a pamoleisapa Nebâ sawchapawpa Zerôbaw moleina zydua siesai leipa ta, tao lymâ ta.

2 ABEIZY 13:2

Abeipa mohmô liata hmo pha lei ngaitapa tao ta, Izarei a pamoleisapa Nebâ sawcha­pawpa Zerôbaw moleinazy kha tao lymâ hra ta, siesai vei.

2 ABEIZY 13:6

Anodeikua Izarei a pamoleisapa Zerôbaw chhôhkha moleinazy kha siesai leipa ei ta, tlao tao lymâ ei ta, Aseri tôh chhao Samâri liata y thlâh ha chy ta.

2 ABEIZY 14:24

Abeipa mohmô liata hmo pha lei ngaitapa tao ta. Izarei a pamoleisapa Nebâ sawchapawpa Zerôbaw moleina zydua siesai tlâ vei.

2 ABEIZY 15:18

Abeipa mohmô liata hmo pha lei ngaitapa tao ta. Izarei a pamoleisapa Nebâ sawcha­pawpa Zerôbaw moleinazy kha a hro chhôh zydua ta siesai vei.

2 ABEIZY 15:9

A pathlatuhpazy taopa hawhta, Abeipa mohmô liata hmo pha lei ngaitapa tao ta. Izarei a pamoleisapa Nebâ sawchapawpa Zerôbaw moleinazy siesai vei.

2 ABEIZY 17:21

Nebâ sawchapawpa Zerôbaw ta Izarei cha Dâvi pathla tawhta pachhaih ta, ano cha bei ta ama tao. Zerôbaw ta Izarei cha Abeipa ama pazipa tawhta tleikhei ta, moleina lai ngaitapa a pataosa ei.

2 ABEIZY 17:22

Izarei sawzy ta Zerôbaw moleina taopa zydua tao hra ei ta, chazy cha a heihsai khoh veih ei.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.