2 ABEIZY 3:23 - Mara Bible RV (BSI)

²³ “Thisaih a châ huh. Beizy âmo nata âmo a dyuh ei ta, âmo nata âmo amâ thie khai hapa a châ huh. A vy teh u, Hy Môabâ, hraona hmo kei la ei suh u!” tah ei ta.

2 ABEIZY 3:23 ပူးပေါင်းရင်းမြစ်များ

2 ABEIZY 3:22

Mydi kari ta thyu ei ta, noh ta ti cha za khaih ta, Môabâ mo ta ama dady liata ti cha thisaih hawh tlai ta saihpa ta hmô ei ta.

2 ABEIZY 3:24

Izarei riehmo ama kei tlô nahta, Izarei mo cha eikhapi ta vaw thyu ei ta, Môabâ mo cha chhawh ei ta, ama hmiakô liata a râpai ei ta. Hmia tôh lymâ ei ta, Môabâ mo cha ama râh ama tlôna taihta thie lymâ ei ta.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

2 THÂTIHZYRONA 20:25

Zehôsaphâ nata a pheisaihzy cha hraona sôh la awpa ta vawh ei ta. Chhaichhizy, chysiazy nata hmo sôhpa hluhpi athihpa rizy hry liata hmô ei ta, ama phao thei leina taihta la ei ta. Hraona sôh a hluh ngaitapa vâta, noh thôh chhôh tlai ama paly.

PUASAINA 15:9

Chariahpa ta, ‘A chadai aw na ta, ei pha aw, Hraona sôh rai aw na ta, Âmo vâta lôhrâtlôpa ta ei y aw; Ei zaozi phia aw na ta, Ei ku ta âmo cha a pahleipadia aw,’ tah ta.

ISAI 10:14

Phopizy sôh nata thihzy cha, Pavaw bu lapa hawhta ei ku ta la ta; A panô thyusaipa pavaw tihzy lapa hawhta, Râh zydua ei la khai haw. Mathlaw a chakhyhpa y khao leipa ei ta, A pakah a âpa y khao hra leipa ei ta, A sâhpa chhao y khao veih ei,” tah ta.

RYUREITUHPAZY 5:30

‘Hraona sôh hmô ei ta, Amâ rai ngâpa a châ aw, Mopakha ta laihsa pakha pano chyu ta amâ rai ngâpa a châ aw; Siserâ châta hraona poh rôh nypa, Hraona poh rôh nypa kikypa, Rao liata a ao awpa hraona poh rôh nypa kikypa cha, Siserâ châta zo no a châ aw,’” tah ta.