2 ABEIZY 3:13 - Mara Bible RV (BSI)

¹³ Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

2 ABEIZY 3:13 ပူးပေါင်းရင်းမြစ်များ

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

1 ABEIZY 18:19

Chavâta tahmâ Izarei saw zydua nata Bâlâ hrohsopa 450 nata Aseri hrohsopa 400, Zezebel tlâhkhai liata pati a dôh tyhpazy paawsa la, Kâmel tlâh liata keima lâta a vaw hmaoh mawh ei sy,” tah ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

2 ABEIZY 3:10

Izarei bei ta, “A pei rimâ cha! He bei pathôhzy he Môabâ ku liata hlâ awpa ta, Abeipa ta miah a awpakhy he zaw,” tah ta.

2 ABEIZY 3:12

Zehôsaphâ ta, “Abeipa bie a hnohta a y chuh,” tah ta. Izarei bei nata Zehôsaphâ nata Edômâ bei zy cha ano lâ zu ei ta.

BIESOZY 1:28

Cha tina chata na pado aw ei ta, Châhrasala a chhy aw veih ei na; Thata na tlua awh ei ta, Châhrasala na hmô aw veih ei.

ZEREMIAH 37:19

Na hnohta, ‘Nâ nata he râh he a dyuh awpa ta, Babylaw bei a vy aw vei,’ tahpa ta hrohsona bie châ chhopazy kha, khataih liata ama y khai haw?

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

ZAWHÂNA 2:4

Zisu ta a nô hnohta, “Chanô, cha cha keima pachâ awpa hmo a châ mâ? Ei daihti tlô mâh vei,” tah ta.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

2 KAWRINI 6:15

Krista nata ahripa ta khâpa aryhna ama hnei? Ngiapâtuhpa nata ngiapâleipa ta khâpa to khohpa ama hnei?

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.

RUTHI 1:15

Naomi ta, “Moh teh, na narônô cha a chiheihzy lâta nata a khazohzy lâta a kua ha huh, nâ chhao na narônô hao pazi la kua ha hra mah y,” tah ta.