2 ABEIZY 3:11 - Mara Bible RV (BSI)

¹¹ Zehôsaphâ ta, “Abeipa miah a saohiahpa awpa Abeipa hrohsopa he liata y tlâ veih ei ma?” tah ta. Izarei bei chakaotuhpa pakha ta a chhy ta, “Elaizâh ku ti a bao tyhpa, Saphâta sawchapawpa Elaisâh a y,” tah ta.

2 ABEIZY 3:11 ပူးပေါင်းရင်းမြစ်များ

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

1 ABEIZY 19:21

Elaisâh cha Elaizâh a pazipa tawhta kua ta, viahchao tôhpa bao kha la ta, atheihna ta hlâ ta. A sazy cha viahchao raopaky thozy ta pasyuh ta, chyhsazy pie ta, nie ei ta. Chatawhcha thyu ta, Elaizâh cha a chadai ta, chakao ha ta.

1 ABEIZY 22:7

Châhrasala Zehôsaphâ ta, “He liana heta Abeipa hrohsopa hropa pakha chhâ eimâ saohiah via awpa y khao veih ei ma?” tah ta.

2 ABEIZY 2:25

Cha su tawhta Kâmel Tlâh lâ sie ta, cha tawhna chata Samâri lâ kua ha ta.

2 ABEIZY 3:10

Izarei bei ta, “A pei rimâ cha! He bei pathôhzy he Môabâ ku liata hlâ awpa ta, Abeipa ta miah a awpakhy he zaw,” tah ta.

2 ABEIZY 3:12

Zehôsaphâ ta, “Abeipa bie a hnohta a y chuh,” tah ta. Izarei bei nata Zehôsaphâ nata Edômâ bei zy cha ano lâ zu ei ta.

2 ABEIZY 3:3

Châhrasala Izarei a pamoleisapa Nebâ sawchapawpa Zerôbaw moleinazy liata khâchâ a bai ta, siesai khoh vei.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

1 THÂTIHZYRONA 14:10

Dâvi cha Khazohpa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta a hnohta, “Khy mah y, âmo cha na ku liata ei cha pie aw,” tah ta.

1 THÂTIHZYRONA 14:14

Dâvi ta Khazohpa a saohiah heih ta, Khazohpa ta a hnohta, “Na khyhnao awpa ei châ vei. Âmo cha sie chahlô la, malburi thih dady liata na vaw pua thlu aw ei.

1 THÂTIHZYRONA 15:13

A hmiatuapa liana khata, bieraopa hawhta ano pado leipa pi ta, nâmo ta Byh namâ sy leipa vâna khata, Abeipa eima Khazohpa cha eima chô liata a hie a hâhpa a châ,” tah ta.

2 THÂTIHZYRONA 18:6

Châhrasala Zehôsaphâ ta, “He liana heta Abeipa hrohsopa hropa pakha chhâ eimâ saohiah via awpa y khao veih ei ma?” tah ta.

HLAZY 74:9

Ngiana nata hmonoâhpazy hmô khao leipa pi ta, Hrohsopa rai y khao leipa ei ta; Khati taih ma he hawhta a sie aw tahpa a pahnopa chhao, Eima hry liata y veih ei.

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

PHILIPI 2:22

Timawthy deikua cha pasiapa châ ta, saw ta a paw a chakaopa hawhta, thâtihpha chhona kyh liata eina chakaolâh tyhpa nama pahno.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

ZAWSUA 1:1

Abeipa chakaotuhpa Mawsi a thi tawhta, Mawsi baotuhpa Zawsua, Nunâ sawchapawpa hnohta Abeipa ta,

ZAWSUA 9:14

Izarei sawzy ta viahchhâ cha nie pachhi ei ta, Abeipa pachâna deikua hiahri tua veih ei.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.