2 ABEIZY 24:8 - Mara Bible RV (BSI)

⁸ Zehôkhi cha kô hrawh hleichariepa a châ nota a bei ta, Zerusale liata thla thôh â bei. A nô moh cha Nehustâ châ ta, Zerusale khihpa Enâthâ sawchanô a châ.

2 ABEIZY 24:8 ပူးပေါင်းရင်းမြစ်များ

1 THÂTIHZYRONA 3:16

Zehôki sawchapawzy cha Zekôniah nata Zedekia zy ama châ.

2 THÂTIHZYRONA 36:9

Zehôkhi cha kô hrawh hleichariepa a châ nota a bei ta, Zerusale liata thla thôh nata noh hrawh â bei. Abeipa mohmô liata hmo pha leipa tao ta.

ZEREMIAH 22:24

“Ei hrona reipa ta ei reih,” Abeipa ta a tah. “Zudâh bei Kôniah, Zehôki sawchapawpa cha ei ku chachâh lâta chahnaona kusadi châ hra la, cha pahluh aw na ta,

ZEREMIAH 22:26

Nâ nata châ satuhpa na nô cha, nama pina râh a châ leipa lâ cha thy aw ei na ta, cha liata nama thi aw.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 37:1

Babylaw bei Nebukaneza ta bei châ awpa ta a raopa Zôsia sawchapawpa Zedekia cha, Zehôki sawchapawpa Kôniah vyuhpa ta Zudâh râh liata a vaw bei ta.