2 ABEIZY 24:3 - Mara Bible RV (BSI)

³ Cha hmo cha Manase moleinazy nata a hmotaopa zydua vâta, Zudâh cha Abeipa mohmô tawhta pahlei awpa ta, Abeipa biepiepa ta Zudâh chô liata a vaw tlôpa a châ.

2 ABEIZY 24:3 ပူးပေါင်းရင်းမြစ်များ

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 ABEIZY 17:18

Chavâta Abeipa cha Izarei chô liata a pathi ia ngaita ta, a mohmô tawhta a papua ha ei. Zudâh chi tah leipa ta cha pahlôhpa y khao veih ei.

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 18:25

Cha dei châ vei, he su parao awpa heta, Abeipa a hlao leipa ta a khypa ma ei châ? Abeipa ta ei hnohta, ‘Cha râh cha khyhnao la, kaw parao teh,’ eina tahpa vâta â khypa mah ei châ tâh,” tah ta.

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

2 THÂTIHZYRONA 24:24

Aramia pheisaihzy cha maluh chyhta vaw sie ei ta, châhrasala Zudâh pathlazy ta Abeipa, ama pathlatuhpazy Khazohpa amâ heihsai hapa vâta, Abeipa ta Zudâh pheisaih hluh ngaitapa cha Aramia mo ku liata a pie ha ei. Cha hawhna chata Zôasâ chô liata hriena ama patlôsa haw.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ZEREMIAH 32:31

He khihpi he ama padua tua noh tawhta tanoh taihta ei hie na pahâhpa ta, ei ru nâ pachhôtuhpa a châ. Chavâta ei mohmô tawhta ei pahlei syulyu ha aw ei.

ZEREMIAH 52:28

He he Nebukaneza ta Zudâh phopi sei ta â chhipazy maluh a châ: Kô sarina liata Zu chyhsa 3,023 a chhi ta,

EZEKIA 22:3

A hnohta reih la, Abeipa Zehôvâh ta hetana heta a tah: Hy khihpi, khazoh nothlahpazy taopa ta, nâmasasyh ta a papuapalei chi ta, khihpi chhôh liata thisaih na palopa vâta, na daihti a vaw tlô hai.

EZEKIA 24:6

“Chavâta Abeipa Zehôvâh ta hetana heta a tah: Thisaih palo hmâhpa, beih upa khihpi, a upa pathai leipa khihpi cha a hu a po kaw dia! A tlyh hlei leipa ta, sa tlozy cha miakha miakha ta thaoh lymâ muh vy.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

ZAWSUA 23:15

Abeipa nama Khazohpa ta nama hnohta hmo phapa a reipa zydua nama chô liata a vaw tlô khaipa hawhta, a biepiepazy nama parao khiahta deikua cha, Abeipa nama Khazohpa ta râh phapa a cha piepa tawh ei ta a cha pahleipadia khai hlâlei ei cha, Abeipa ta hmo pha leipazy nama chô liata a vaw patlôsa aw.