2 ABEIZY 24:2 - Mara Bible RV (BSI)

² Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

2 ABEIZY 24:2 ပူးပေါင်းရင်းမြစ်များ

2 ABEIZY 20:17

Pachâ teh, na o liata a ypa zydua nata châ pathlatuhpazy ta tanoh taihta ama vaw pachôpakhypa hmo zydua Babylaw lâ ama siekhei nawpa nohzy a vaw tlô hai. Khâpa hmah pahlôhpa châ aw vei, Abeipa ta a tah.

2 ABEIZY 22:16

Abeipa ta hetana heta a tah, pachâ teh, Zudâh bei ta châbu bie a reipa liata chhiena zydua kha he su nata a chhôh liata a pahrâpazy chô liata ei vaw patlôsa aw.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

2 ABEIZY 6:23

Izarei bei ta âmo châta kyhchhi tao ta, niepa ta ama do khai nahta, âmo cha pasiesa ta, ama zibeipa lâ a lie ha ei ta. Chatanachata Aramia mo cha Izarei râh lâ hrâsiepa ta za chho khao veih ei.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

ZAWBÂ 1:17

Bie a rei hai nota, chyhsa hropa vaw tlô heih ta, Zawbâ hnohta, “Kaldia mo ta py thôh lâta a pachhaih ei ta, râraoseihpazy patupa ta siekhei ei ta, chakaotuhpazy cha zaozi ta ama thie haw. Kei deita he thâtih cha chho awpa ta a vaw râpa ei châ,” tah ta.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 28:19

Tisaih tlôna maihta cha la aw ta, My chareih ta tisaih vaw tlôpa ta, Chhô nah zâ ta vaw tlô aw ta, A bietapa yzie pahnopa a châ tita la, Chi â chhih ngaita aw.

ISAI 7:17

Epharai ta Zudâh a puasai noh tawhta a tlô beih leipa nohzy cha, Abeipa ta Asuria bei vaw tuah aw ta, na chô liata nata na phopi chô liata nata na paw chhôhkha chô liata a patlôsa aw,” tah ta.

ZEREMIAH 12:9

Ei ryuto cha kei châta Changie hawhta châ ta ma, Sa hei niepa pavawzy ta ama chadô tly? Sie la, sahrâhpa zydua kei pakhy la, Ano palâ awpa ta a vaw chhi mah y.

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 26:20

Mohropa pakha Abeipa moh ta hrohsona bie a phuahpa y hra ta. Ano cha Kiriaziari chyhsa Semiah sawchapawpa Uria kha a châ. Zeremiah bie reipazy hawhta, he khihpi nata he râh rao nawpa kyh hrohsona bie phuah ta.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 32:28

Chavâta Abeipa ta hetana heta a tah: Pachâ teh, he khihpi he Kaldia mo ku liata nata Babylaw bei Nebukaneza ku liata pie aw na ta, ano ta khihpi he a la aw.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 52:28

He he Nebukaneza ta Zudâh phopi sei ta â chhipazy maluh a châ: Kô sarina liata Zu chyhsa 3,023 a chhi ta,

CHAPHÔHTUNA 1:17

Zaio cha a ku pazawh ta, Châhrasala thlah a palôh awpa y veih ei; Abeipa ta Zakaw kyh liata biepiepa papua ta, A vaihzy cha a khakhaipazy a pachâsa ha ei; Chatanachata Zerusale cha ama hry liata, Hmo puapa a vaw châ haw.

EZEKIA 19:8

Chatawhcha phopizy ta siehnao ei ta, Su to râh to tawhta ama siehnao; Ama sao ta khu ei ta, Ama khaohtlô chaopa liata ama patu haw.

EZEKIA 23:23

Babylaw mo nata Kaldia mo zydua, Pekô nata Sôâ nata Kôâ mozy nata ama hnohta a ypa Asuria mo zydua, satlia khochhih ngaitapazy, râhvaotuhpazy nata pheisaih hyutuhpa zydua, beimachâzy nata chyhsa moh pathâhpazy, ama zydua ta arâ a kiahpazy châ ei ta, chazy chata ama cha vaw siehnao aw.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.