2 ABEIZY 24:12 - Mara Bible RV (BSI)

¹² Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

2 ABEIZY 24:12 ပူးပေါင်းရင်းမြစ်များ

2 ABEIZY 20:18

Na sawchapawpa, na chhôh tawhta a pua awpa, nâ ta na sa awpazy tlai chhao siekhei aw ei ta, Babylaw abei o liata hrilyupa ta ama y aw,” tah ta.

2 ABEIZY 24:11

A chakaotuhpazy ta khihpi ama dôh hai nota, Babylaw bei Nebukaneza cha khihpi lâ a vy ta,

2 ABEIZY 25:27

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.

2 ABEIZY 25:8

Babylaw bei Nebukaneza abeina kô hrawh hleichakina, cha kô thla pangawhna, noh sarina noh ta, Babylaw bei chakaotuhpa, abei vaituhpazy hyutuhpa Nebuzarâdâ cha Zerusale lâ a vy ta.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

ESTHERI 2:5

Cha daihti liata, thokhy khihpi Susâ liata Zu chyhsa pakha, a moh Môdekai ama tahpa y ta. Môdekai cha Zairâ sawchapawpa châ ta, Zairâ cha Simei sawchapawpa châ ta, Simei cha Benzami chyhsa Kisâ sawchapawpa a châ.

ESTHERI 2:6

Babylaw bei Nebukaneza ta Zudâh bei Zekôniah sei ta â chhi nota, Môdekai cha Zerusale tawhta Babylaw lâ sei ta a siepa a châ hra.

ISAI 24:6

Chavâta alei cha chhiesana ta charua ta, A chô liata a pahrâpazy thailei pachâsapa ama châ. Chavâta lei chyhsazy maluh a sy laih ta, Chyhsa chyhta dei ama y bâ.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 27:20

Chazy cha Babylaw bei Nebukaneza ta Zehôki sawchapawpa Zudâh bei Zekôniah nata Zudâh nata Zerusale nôpawpa zydua, Zerusale tawhta Babylaw sei ta â chhi no ei ta a la leipazy a châ.

ZEREMIAH 36:30

Chavâta Zudâh bei Zehôki kyh liata Abeipa ta hetana heta a tah: Dâvi beidyuchhai liata a tyuh awpa chipathla hnei leipa aw ta, a ri chhao nohchhô noh sapa liata nata zâ dâhaw ry liata thypa a châ aw.

ZEREMIAH 37:1

Babylaw bei Nebukaneza ta bei châ awpa ta a raopa Zôsia sawchapawpa Zedekia cha, Zehôki sawchapawpa Kôniah vyuhpa ta Zudâh râh liata a vaw bei ta.

ZEREMIAH 52:12

Babylaw bei Nebukaneza abeina kô hrawh hleichakina, cha kô thla pangawhna, noh hrawhna noh liata, abei vaituhpazy hyutuhpa, Babylaw bei chakaotuhpa Nebuzarâdâ cha Zerusale a ngia ta.

ZEREMIAH 52:28

He he Nebukaneza ta Zudâh phopi sei ta â chhipazy maluh a châ: Kô sarina liata Zu chyhsa 3,023 a chhi ta,

ZEREMIAH 52:31

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh pangawhna noh ta patâhna o tawhta papua ta.

EZEKIA 1:2

Cha thla noh pangawhna liata, cha cha Bei Zehôki seichâna lâ a sie tawhta a kô pangawhna châ ta,

EZEKIA 17:12

“Saw chhorupazy hnohta, ‘Cha hmozy cha a yzie pahno veih ei chi ma?’ tah la, ama hnohta hetana heta reih teh: ‘Pachâ teh u, Babylaw bei Zerusale lâ a vy ta, Zerusale bei nata beimachâzy patu ta, a hnohta Babylaw lâ a siekhei ha ei.

EZEKIA 17:4

A kih chiah panyu chaipazy thliepa ta, sôh paliena râh lâ a zawkhei ta, sôdaohpazy khihpi liata loh ta.

EZEKIA 19:1

Nâ deikua cha, Izarei beimachâzy châta chaphôh tu la,

EZEKIA 19:13

Tahmâ cha râhchawhpa liata lopa châ ta, Râh raohpa nata râh dâhphipa liata lopa a châ.

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.