2 ABEIZY 24:1 - Mara Bible RV (BSI)

¹ Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.

2 ABEIZY 24:1 ပူးပေါင်းရင်းမြစ်များ

2 ABEIZY 17:5

Asuria bei ta Izarei râh zydua chho laih ta, Samâri kei tlô ta, kô thôh chhôh dôh ta.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

2 THÂTIHZYRONA 36:1

Zudâh zawpizy ta Zôsia sawchapawpa Zehôahâ a chhi ei ta, a paw su a thla awpa ta Zerusale liata bei ta tao ei ta.

EZRÂ 4:12

Nâ tawhta keimo lâ a khypa Zuzy kha Zerusale lâ ama sie haw tahpa abei ta vaw pahno mawh sy. Chhorupa nata moleipa khihpi kha paduapathi ei ta, a thokhy paloh ha ei ta, tahmâ â bônazy ama pasiepakao hai.

ISAI 36:5

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 35:1

He he Zôsia sawchapawpa Zudâh bei Zehôki â bei nota, Abeipa tawhta Zeremiah hnohta bie a vaw tlôpa a châ.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 36:1

He he Zôsia sawchapawpa Zudâh bei Zehôki abeina kô palihna liata, Zeremiah hnohta Abeipa bie vaw tlôpa a châ.

ZEREMIAH 45:1

He he Zôsia sawchapawpa Zudâh bei Zehôki abeina kô palihna liata, Zeremiah ta Neriah sawchapaw Bâruka a chhopa, Zeremiah pakah tawhta a puapa biezy hawh tlai ta Bâruka ta châbu liata a ropazy a châ.

ZEREMIAH 46:2

He he Izi kyh châ ta, Zôsia sawchapawpa Zudâh bei Zehôki abeina kô palihna liata, Ufrâti chavah kiah liata Kâkhemi khihpi liata adyuhna y ta, cha liata Babylaw bei Nebukaneza ta Izi bei Phiraoh Nekô pheisaihzy a pahniena kyh a châ:

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

EZEKIA 19:8

Chatawhcha phopizy ta siehnao ei ta, Su to râh to tawhta ama siehnao; Ama sao ta khu ei ta, Ama khaohtlô chaopa liata ama patu haw.

EZEKIA 21:14

“Chavâta chyhsa sawchapawpa y, hrohsona bie phuah mah y. Na ku chabaih la, zaozi ta ei no chhawh sala, a châ na, ei thôh chhawh mawh sy. Cha zaozi cha thie nawpa zaozi châ ta, âmo dôhpa ta, thiena rarôh ypa ta a thie awpa zaozi a châ.

DÂNIAH 1:1

Zudâh bei Zehôki ryureina kô thôhna liata, Babylaw bei Nebukaneza Zerusale lâ a vy ta, Zerusale khihpi cha dôh ta.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.