2 ABEIZY 23:7 - Mara Bible RV (BSI)

⁷ Aseri tôh châta pohraipa thaisapa chanôzy yna Abeipa o liata chapaw âzuahpazy yna ozy chhao a parao khai haw.

2 ABEIZY 23:7 ပူးပေါင်းရင်းမြစ်များ

1 ABEIZY 14:24

Achhyna suzy liata chapaw âzuahpazy taihta râh liata y ei ta. Izarei sawzy hmiakô liata Abeipa ta a papua hapa phopizy hmotaopa pasichhihpa to kha tao hra ei ta.

1 ABEIZY 15:12

Achhyna su liata chapaw âzuahpazy râh tawhta papua ta, a pathlatuhpazy ta khazoh nothlahpa ama taopa zydua chhao a parao khai haw.

1 ABEIZY 22:46

A paw Âsâ a hro nota achhyna su liata chapaw âzuahpazy cha, râh tawhta a pamua khai ha ei.

2 THÂTIHZYRONA 34:33

Chatanachata Zôsia ta hmo pasichhihpa zydua Izarei râh zydua tawhta pahlei khai ta, Izarei râh liata a pahrâpa zydua Abeipa ama Khazohpa a chakaosa khai ha ei. Zôsia hro chhôh zydua Izarei sawzy ta Abeipa, ama pathlatuhpazy Khazohpa hnôh ama pazipa tleisai veih ei.

EZEKIA 16:16

Na chysia thokha hmâpa ta, su sâhpa chapaicharupazy tao chi ta, cha liata nâ zuah tyh. He hawhpa he y beih leipa ta, y beih khao aw vei.

EZEKIA 8:14

Chatawhcha Abeipa o maw thokhy chhikao angiana lâ nâ chhi ta, cha liata chanôzy cha Tâmu chakheipa ta a tyuh ei ta.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

HÔSIA 4:13

Tlâh lakizy liata atheihna hlâ ei ta, Tlâhthlôhzy liata raopa hlâna ama hlâ tyh; Ama buh nohdi a pha kawpa vâta, Ôkâ, pôpalâ nata terebi kôzy ry liata, Atheihnazy ama hlâ tyh. Chavâta nama sawchanôzy ta sihryh ei ta, Nama myuhnôzy ta amâ phei tyhpa a châ.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

MALUHREINA 25:1

Siti liata Izarei a y nota, Izarei sawzy ta Môabâ chanôzy sihryhkhei ei ta.

RYHPACHANEINA 23:17

“Izarei sawchanôzy hry liata nothlahpa achhyna o liata âzuahnô ta ama y awpa châ leipa ta, Izarei sawchapawzy hry liata chhao nothlahpa achhyna o liata âzuahpa ama y awpa châ vei.