2 ABEIZY 23:6 - Mara Bible RV (BSI)

⁶ Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.

2 ABEIZY 23:6 ပူးပေါင်းရင်းမြစ်များ

2 THÂTIHZYRONA 34:4

Bâlâ maisâhzy a mohmô liata chhawh pachhô ei ta, chazy hlâta a sâh viapa ta taopa ropahâhpa raona maisâhzy chhao a chhawh pathlah khai haw. Aseri tôhzy, khazoh nothlahpa khiepa nata leihpazy phy pazao khai ta, âmo lâta atheihna a hlâtuhpazy thlâ chô liata a paohpa a hiezâh.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

2 ABEIZY 21:7

Abeipa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna su Achhyna o liata Aseri tôh nothlâhpa a taopa soh ta.

2 ABEIZY 10:27

Bâlâ nothlahpazy parao ei ta, Bâlâ achhyna o chhao parao ei ta, tanoh taihta ie o ta hmâpa a châ.

1 ABEIZY 16:33

Ahabâ cha Aseri tôh taihta padua ta. Chatanachata Ahabâ cha ano hlâta a vaw y tuapa Izarei bei zydua hlâta Abeipa, Izarei Khazohpa cha a hie pahâh via pachai ta.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

PUASAINA 32:20

Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

ZAWHÂNA 18:1

Cha biezy cha a rei khai nahta, a pachupazy chhaota pua ei ta, Kidaraw chavah chaka ei ta. Cha liata sadô y ta, Zisu cha a pachupazy chhaota sadô liana cha a ngia ei ta.

1 ABEIZY 2:37

Na pua noh, Kidaraw chavah na chaka noh cha, na thi noh a châ aw tahpa pahno mah y. Na thisaih cha nâma luh chô liata a y aw,” tah ta.

2 ABEIZY 23:12

Ahâza o chhâh chô lâta vâphuh liata Zudâh beizy ta maisâh ama taopazy nata Manase ta Abeipa o dôhpachhôh tlyhmia miano liata maisâh a taopazy cha abei ta pacho khaipa ta, pakeichheih ta, azaona dohleizy cha Kidaraw chavah liata thy ta.

2 THÂTIHZYRONA 33:3

A paw Hezekia ta a parao hapa su sâhpazy paduapathi ta, Bâlâ khazohzy châta maisâhzy tao ta, Aseri khazoh nothlahpazy tao ta, avâ liata a ypa zydua a chhy ta, a chakao ei.

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.

ZEREMIAH 31:40

Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

2 ABEIZY 10:26

Bâlâ achhyna o liata khazoh nothlahpazy puakhei ei ta, mei ta rao ei ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.