2 ABEIZY 23:4 - Mara Bible RV (BSI)

⁴ Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 ABEIZY 23:4 ပူးပေါင်းရင်းမြစ်များ

2 SAMUELA 15:23

Râh zydua ta aoh tlili ta cha ei ta. Zawpi zydua cha sie ei ta, abei cha Kidaraw chavah chaka ta, zawpi zydua cha râhchawhpa lâ pangaipa ta sie ei ta.

1 ABEIZY 12:29

Viahchaotaw miakha Bethel liata soh ta, miakha Dânâ liata soh ta.

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

1 ABEIZY 18:19

Chavâta tahmâ Izarei saw zydua nata Bâlâ hrohsopa 450 nata Aseri hrohsopa 400, Zezebel tlâhkhai liata pati a dôh tyhpazy paawsa la, Kâmel tlâh liata keima lâta a vaw hmaoh mawh ei sy,” tah ta.

1 ABEIZY 18:26

Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

1 ABEIZY 19:18

Châhrasala Izarei râh liana heta Bâlâ hmiakô liata pakhu paneih beih leipa nata Bâlâ a pahnâ beih leipa chyhsa sâh sari kei châta ei pahlôh aw,” tah ta.

2 ABEIZY 10:26

Bâlâ achhyna o liata khazoh nothlahpazy puakhei ei ta, mei ta rao ei ta.

2 ABEIZY 12:10

Thobyh liata tâkâ a hluh kaw bâ tahpa ama pahno nahta, abei chârohtuhpa nata theihthai beichaipa khy ei ta, sykhao ta chaty ei ta, Abeipa o liata tâkâ a ypa zie cha reih tyh ei ta.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 ABEIZY 21:5

Abeipa o dôhpachhôh tlyhmia miano liata avâ liata a ypa zydua châta maisâhzy a padua.

2 ABEIZY 21:7

Abeipa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna su Achhyna o liata Aseri tôh nothlâhpa a taopa soh ta.

2 ABEIZY 22:4

“Theihthai beichaipa Hikia lâ khy la, ochhi vaituhpazy ta chyhsazy tawhta ama kheipa Abeipa o liata ama vaw sopa tâkâ reih sala,

2 ABEIZY 23:12

Ahâza o chhâh chô lâta vâphuh liata Zudâh beizy ta maisâh ama taopazy nata Manase ta Abeipa o dôhpachhôh tlyhmia miano liata maisâh a taopazy cha abei ta pacho khaipa ta, pakeichheih ta, azaona dohleizy cha Kidaraw chavah liata thy ta.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.

2 ABEIZY 25:18

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.

2 THÂTIHZYRONA 33:3

A paw Hezekia ta a parao hapa su sâhpazy paduapathi ta, Bâlâ khazohzy châta maisâhzy tao ta, Aseri khazoh nothlahpazy tao ta, avâ liata a ypa zydua a chhy ta, a chakao ei.

2 THÂTIHZYRONA 33:7

Khazohpa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna Achhyna o liata ano taopa khazoh nothlahpa soh ta.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ZEREMIAH 52:24

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

EZEKIA 8:6

Abeipa ta ei hnohta, “Chyhsa sawchapawpa y, ama hmotaopa kha na hmô ma? Ei supathaihpa chhao lâhlapi lâ siesai pâ ngâ awpa taihta, he su liata Izarei pathlazy hmo pasichhih ngaitapa taopa kha na hmô ma? A heih tua, he hlâta pasichhih via syulyupazy na hmô via aw,” tah ta.

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

AMÔSÂ 4:4

“Bethel lâ a vy u la, Vaw molei teh u; Kilkal lâ a vy u la, Moleina vaw papôh teh u. Namâ theihnazy cha, My chareih ta vaw cheih u la; Nama su hrawh su khazy cha, Noh thôhna noh ta vaw cheih teh u.

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

ZAWHÂNA 18:1

Cha biezy cha a rei khai nahta, a pachupazy chhaota pua ei ta, Kidaraw chavah chaka ei ta. Cha liata sadô y ta, Zisu cha a pachupazy chhaota sadô liana cha a ngia ei ta.

RYUREITUHPAZY 2:13

Abeipa a heihsaipa ta, Bâlâ nata Astarô khazohzy tlao ama chakao.