2 ABEIZY 23:3 - Mara Bible RV (BSI)

³ Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 ABEIZY 23:3 ပူးပေါင်းရင်းမြစ်များ

2 ABEIZY 11:14

Mohmia pasaih ta, abei cha taozietyhpa hawhta, otôh kiapâh liata a duah ta, pheisaih hyutuhpazy nata chiahmie tôtuhpazy cha abei kiapâh liata a duah ei ta, râh chyhsa zydua ta thapha ngaitapa ta y ei ta, chiahmiezy thata ama tôpa hmô ta. Athaliah cha a chysiazy hrie ta, “Râh apaphasaina, Râh apaphasaina!” tahpa ta awh ta.

2 ABEIZY 11:17

Zehôdâ ta Izarei sawzy cha Abeipa phopi châ awpa ta, Abeipa nata abei likah liata zy, Abeipa nata zawpi likah liata zy, abei nata zawpi likah liata zy biehrai tao ta.

2 THÂTIHZYRONA 15:15

Ama pathipalôh hmeiseihpa ta bie a taih ei ta, Abeipa cha khopasa ngaitapa ta ama tluapa vâta, Abeipa ta âmo cha hmô ta, su to liata apahâna a piepa vâ ei ta, ama bietai liata amâ ly ngaita.

2 THÂTIHZYRONA 23:13

Mohmia pasaih ta, chhikao liata otôh kiapâh liata bei a duahpa cha hmô ta. A kiapâh liata pheisaih za kha hyutuhpazy nata chiahmie tôtuhpazy y ei ta. Râh chyhsa zydua cha thaphapa ta y ei ta, chiahmiezy thata tô ei ta. Hlasathaipazy ta ama pyungiapa chhaichhizy tôpa ta reithaina hlazy chhihtha ei ta. Athaliah cha a pohzy hrie ta, “Râh apaphasaina! Râh apaphasaina!” tahpa ta awh ta.

2 THÂTIHZYRONA 23:16

Zehôdâ ta ano nata zawpi zydua nata abei cha, Abeipa phopi châ awpa ta ama likah liata biehrai tao ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

NEHEMIAH 5:13

Ei poh pai chatho na ta, ama hnohta, “He bietai a tao leipa maih cha, he poh pai chathopa hawhna heta, Khazohpa ta a o tawhta nata a rai tawhta chatho pathlah mawh sy. Chatho pathlahpa châ sala, parua khaipa châ mawh sy,” tah na ta. Zawpi zydua ta, “Amen”, tah ei ta, Abeipa cha reithai ei ta. Zawpizy ta ama bietai hawhta tao ei ta.

NEHEMIAH 9:38

“Cha zydua vâna chata, ropa tlai ta biehrai a ipa tao pi ta, eima beimachâzy, eima Livai pathlazy nata eima theihthaipazy moh chhao biehraina chahnao pa-ina châ liata ropa a châ,” tah ta.

PUASAINA 24:3

Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

BIECHHOTUHPA 8:2

Abei cha Khazohpa bietai a daopa a châpa vâta, a biepiepa zyh mah y.

ZEREMIAH 34:15

Nâmo deikua cha atliata liana khata ro ei chi ta, chyhsa to ta nama vaih châta khotalaina phuahpa ta, ei mohmô liata hmo dopa tao ei chi ta, ei moh a phaohpa o liata ei hmiakô liata biehrai nama tao.

ZEREMIAH 34:8

He bie he Bei Zedekia ta Zerusale liata a ypa zawpi zydua hnohta biehrai taopa ta, seizy khotalaina kyh a phuah khai tawhta, Zeremiah hnohta Abeipa bie a vaw tlôpa a châ.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 13:4

Abeipa nama Khazohpa pazi aw ei chi ta, ano cha chipa ta, a biepiepazy nama zyh awpa a châ. A ao nathliepa ta, ano chakao aw ei chi ta, ano cha khâchâ namâ patu awpa a châ.

RYHPACHANEINA 29:1

Hezy he Abeipa ta Izarei sawzy hnohta Hôribâ liata bie a hraipa thota, Abeipa ta Mawsi hnohta Môabâ râh liata biepie heih ta, Izarei sawzy chô liata bie a hraipazy a châ.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta